Զինվորները չունեն թերմոհագուստ․ փորձագետն ահազանգում է՝ ինչու պետությունը չի լուծում խնդիրը. ՏԵՍԱՆՅՈՒԹ

Լուրեր

16.11.2026 | 12:46
Երևանի երթևեկությանն անդրադառնում են մարդիկ, որոնք չեն պատկերացնում խնդիրը. Ավինյան․ ՏԵՍԱՆՅՈՒԹ
16.11.2026 | 12:38
Total Chess. Հայկ Մարտիրոսյանը չի կարողացել դուրս գալ կիսաեզրափակիչ
16.11.2026 | 12:30
Թուրքիայից Հայաստան առաջին կանոնավոր բեռնափոխադրման չվերթն է իրականացվել․ ԼՈՒՍԱՆԿԱՐՆԵՐ
16.11.2026 | 12:20
ՌԴ-ն հարվածել է Ուկրաինայի մի շարք շրջանների․ զոհեր և վիրավորներ կան
16.11.2026 | 12:10
Երևանում մեքենաների թիվը սահմանափակելու հարց կքննարկվի // Ձնախառն անձրևներ են սպասվում․ ԼՈՒՐԵՐ
16.11.2026 | 11:51
Չեխիայում հարյուր հազարավոր մարդիկ բողոքի ցույցի են դուրս եկել՝ ընդդեմ հանրային լրատվամիջոցների ֆինանսավորման բարեփոխումների
16.11.2026 | 11:41
Ադրբեջանի ներկայացուցիչները կժամանեն Հայաստան․սպասվում է քաղհասարակության նոր հանդիպումը
16.11.2026 | 11:36
Ազովում ուկրաինական հարձակումից հետո նավթաբազա է հրդեհվել․ հարված է հասցվել Ղրիմի կամրջին, երթևեկությունը փակվել է
16.11.2026 | 11:27
Եղվարդում ապօրինի արդյունահանման դեպք է բացահայտվել․ 10 մլն դրամի վնասը վերականգնվել է
16.11.2026 | 11:16
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
Բոլորը

Շուտով ձմեռ է, Հայաստանի բարձրադիր որոշ շրջաններում այսօր արդեն ձյուն է տեղացել։ Որքանո՞վ են մարտական հետանակետերում զինվորները պաշտպանված ցրտից․ Պաշտպանության նախարարությունից Factor TV-ի այս հարցին ի պատասխան՝ հայտնեցին, որ ձմեռային տաք համազգեստն արդեն տրամադրվել է։

«Անձնակազմն ապահովված է ձմեռային համազգեստով, որը ներառում է ձմեռային բաճկոն, ձմեռային անդրավարտիք, ձեռնոց, գլխարկ, տաք կիսագուլպաներ, տաք ներքնաշորեր»,- ասաց ՀՀ ՊՆ խոսնակ Արամ Թորոսյանը։

Չնայած պաշտոնական հավաստիացումներին՝ զինվորներից հաճախ են դժգոհություններ լինում տաք հագուստ չունենալու մասին, կամ բողոք ծնողներից, թե իրենցից են պահանջում  զինվորական տաք համազգեստ գնել։ Դիրքապահ պայմանագրային զինծառայողները Factor TV-ի հետ զրույցում հաստատեցին՝ արդեն անցել են ձմեռային հագուստի։ Այս տարի առաջին անգամ նաև սվիտերներ են ստացել։ Պաշտպանության նախարարության խոսնակն էլ ասաց, որ ձմեռային համազգեստը տրամադրվել է սահմանված ժամկետներում՝ առանց հստակեցնելու, թե երբ։ Արամ Թորոսյանը վստահեցրեց՝ զինվորները ցանկացած պահի կարող են տաք համազգեստ կրել, եթե դրա անհրաժեշտությունը կա։

«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանն ասում է՝ ժամանակակից աշխարհում, ձմեռային բաճկոնների փոխարեն, ընդունված է բանակում թերմոհագուստի կիրառումը։ Դրանք չեն սահմանափակում զինվորների շարժունակությունը, չեն խանգարում զրահաբաճկոն կրելուն, վազելուն, զենքը տարբեր դիրքերով օգտագործելուն։ Ձմեռային հաստ բաճկոնները, ըստ Իոաննիսյանի, հիշեցնում են 2-րդ համաշխարհային պատերազմի ժամանակները։

«Ամբողջ աշխարհը վաղուց փոխել է ֆորմատը, ցածր ջերմաստիճանների համար հիմնական համազգեստի վրայից այլ տաք համազգեստ նախատեսված է, բայց դա բուշլատ չի, չունի այն տեսքն ու անհարմարությունը, որոնք ունեն մեր բանակի բուշլատները»,- ընդգծում է Իոաննիսյանը։

Պայմանագրային զինծառայողներն էլ անանունության պայմանով Factor TV-ի հետ զրույցում ասացին, որ շատ տաք հագուստը կարող է խանգարել իրենց զգոնությանը։ Օրինակ, ՈՄԱ ռազմահայրենասիրական հասարակական կազմակերպության անդամները թերմոհագուստ կրում  են, բայց ձմեռային բաճկոններից չեն հրաժարվել՝ ասում է հասարակական կազմակերպության նախագահի օգնական Արշակ Վարդանովը։ Ըստ նրա, միևնույն է, հատկապես դիրքերում  առանց բաճկոնի հնարավոր չէ դիմանալ ցրտին։

Ինչո՞ւ պետությունը զինվորների համար ձեռք չի բերում ձմեռային ավելի հարմար ու տաք հագուստ․ Դանիել Իոանսիյանն ասում է՝ Սկանդինավյան երկրներում հենց այդպիսի հագուստ են կրում, որոնք զինվորներին չեն խանգարում ու չեն նվազեցնում մարտունակությունը։ Որպես օրինակ՝ նա մատնացույց է անում նաև ուկրաինական բանակի հանդերձանքը։

«Սա էլ բարձր տեխնոլոգիական սպառազինություն չէ, զենք-զինամթերք չէ, որ մի երկրից գնես, մյուսը խանդի»,- ընդգծում է Դանիել Իոաննիսյանը։

Պետությունը պիտի իրականացնի այս և բանակի մի շարք այլ բարեփոխումներ, շեշտում է Իոաննիսյանը՝ միաժամանակ հավելելով, որ որևէ փոփոխություն դժվար է իրականացնել, որովհետև բանակը կարծրացած է։

Թերմոհագուստը, որը կարող է փոխարինել ձմեռային բաճկոններին,  բավական թանկ արժե, բացի այդ՝ անցումը թերմոհագուստներին երկար ժամանակ կպահանջի։ Բաճկոնները հարմարավետ կլինեն, եթե որակյալ լինեն՝ ասում է Արշակ Վարդանովը։

Պաշտպանության նախարարությունից մեզ հայտնեցին, որ նախատեսվում է զինվորներին թերմոհագուստ տրամադրել, բայց արդյո՞ք դրանք փոխարինելու են բաճկոններին, թե՞ պարզապես հավելյալ տաք հագուստ են լինելու, պաշտպանական գերատեսչությունից չհստակեցրին։

Դանիել Իոաննիսյանը քաղհասարակության կազմակերպությունների այլ ներկայացուցիչների հետ ամեն ամիս հանդիպում է վարչապետ Նիկոլ Փաշինյանի հետ։ Արդյո՞ք այդ հանդիպումների ժամանակ բանակին առնչվող այս հարցերն ու խնդիրները բարձրաձայնվում են։

«Այո՛, նման հարցեր բարձրացվում են։ Պիտի ասեմ, որ վարչապետը, միգուցե, դետալներին չի տիրապետում, օրինակ՝ ինչ հագուստ է պետք, բայց որ գլոբալ առումով ԶՈՒ-ն գլոբալ փոփոխություններ չի անում, վարչապետը հասկանում է»,- ընդգծում է Իոաննիսյանը։

Թե արձանագրված խնդիրներին վերջնարդյունքում ի՞նչ լուծումներ են տրվում, ըստ էության, պիտի գնահատի հանրությունը։

Մանրամասները՝ տեսանյութում։

Արփի Հակոբյան