10.07.2026 | 10:20
ԱՄՆ մասնագետները Հայաստանում են՝ ԹՐԻՓՓ-ի երկաթուղային նախագծի նախապատրաստման համար
«Ձեր կյանքի գնով պահած հայրենիքը մենք էլ պատրաստ ենք նույն գնով պահել»․ հարգանքի տուրք՝ «Շիրակ» պանթեոնում․ ԼՈՒՍԱՆԿԱՐՆԵՐ
Հասարակություն
27.09.2022 | 17:43
Այսօր օրվա տարբեր ժամերի Գյումրու մարզային և քաղաքային իշխանության ներկայացուցիչներԸ, զինվորականներ, դպրոցների աշակերտներ հարգանքի տուրք մատուցեցին «Շիրակ» գերեզմանատանը գտնվող զինվորական պանթեոնում՝ 44-օրյա պատերազմում նահատակվածների հիշատակին։ Պանթեոնում ամփոփված են 92 նահատակների աճյուններ: Նրանցից մի քանիսը հանգչում են ընտանեկան գերեզմանոցներում։
Տեր Հակոբ քահանա Գրիգորյանի կողմից տեղի ունեցավ հոգեհանգստի կարգ․ «Երկու տարի առաջ այս օրը սկսվեց մի արհավիրք, պատերազմ, մայր հողը հարստացավ իր զավակներով։ Իսկ մենք այսօր այտեղ ենք՝ հիշելու իրենց, անուն առ անուն խոնարհվելու, յուրաքանչյուրի կատարածի առաջ և վկայելու, որ իրենց կյանքի գնով պահված, պահպանված, վերապրած հայրենիքը մենք էլ պատրաստ ենք նույն գնով պահել և ապրեցնել։ Թող հանգիստ լինի մեր բոլոր եղբայրների, զավակների, զինակից ընկերների շիրմներին», -ասաց Տեր Հակոբ քահանան։
Գյումրու Սուրբ Յոթ Վերք եկեղեցում էլ պատարագ մատուցվեց 44-օրյա պատերազմում նահատակվածների հիշատակին։
Արմիկ Մովսիսյան
