03.11.2026 | 17:36
ԱԺ ծեծկռտուքը՝ անպատիժ չթողնելու պահանջ․ ՀԿ-ները քննադատել են Փաշինյանին, Ռուբինյանին և Կարապետյանին
Ռուսաստանը հույս ունի, որ «3+3» ձևաչափով հանդիպումը կկայանա առաջիկայում
Քաղաքականություն
03.11.2026 | 16:41
Ռուսաստանը հույս ունի, որ «3+3» ձևաչափով (Ադրբեջան, Հայաստան, Վրաստան, Ռուսաստան, Իրան, Թուրքիա) հաջորդ հանդիպումը կկայանա մոտ ապագայում։ Այս մասին հայտարարել է ՌԴ ԱԳ նախարար Սերգեյ Լավրովը՝ Եվրասիական անվտանգության հարցերով Մինսկի IV միջազգային համաժողովի բարձր մակարդակի լիագումար նիստում, գրում է ՏԱՍՍ-ը։
«Հարավային Կովկասում հեռանկարային հարթակ է դարձել «3+3» տարածաշրջանային համագործակցության ձևաչափը՝ Ադրբեջանի, Հայաստանի և Վրաստանի՝ Հարավային Կովկասի երկրների, ինչպես նաև նրանց երեք խոշոր հարևանների՝ Ռուսաստանի, Իրանի և Թուրքիայի մասնակցությամբ։ Այս հարթակի մասնակիցները պայմանավորվել են առաջ մղել միավորող օրակարգը։ Հույս ունենք, որ մոտ ապագայում այս ձևաչափով հերթական հանդիպումը տեղի կունենա»,- ասել է նա։
Հիշեցնենք, որ ավելի վաղ Լավրովը առաջարկել էր այս ձևաչափով առաջիկա հանդիպումն անցկացնել Ադրբեջանում, հետո մյուսը՝ Հայաստանում։
Թարգմանությունը՝ Էմմա Չոբանյանի
