30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իգոր Խաչատուրովը 1 մլն դրամ գրավի դիմաց ազատ կարձակվի
Հասարակություն
11.07.2022 | 21:15
ՀՀ զինված ուժերի գլխավոր շտաբի նախկին պետ Յուրի Խաչատուրովի որդին՝ Իգոր Խաչատուրովը գրավի դիմաց ազատ կարձակվի։ Տեղեկություն Factor.am-ի հետ զրույցում հաստատեց նրա փաստաբան Միհրան Պողոսյանը։
«Գրավը նշանակվել է 1 մլն դրամ, որն արդեն իսկ վճարել են։ Հիմա գնում ենք՝ վճարման ապացույցները ներկայացնենք քրեակատարողական հիմնարկ, որ ազատ արձակեն»,– նշեց Պողոսյանը։
Հիշեցնենք, որ մայիսի 17-ին Կիևյան փողոցում ընդդիմության ակցիայի ժամանակ Իգոր Խաչատուրովը ձերբակալվել, ապա կալանավորվել էր։ Նրան մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով ( իշխանության ներկայացուցչի նկատմամբ բռնություն գործադրելը)։
