09.10.2026 | 20:30
Բաքուն դիվանագետներին Գանձասար է տանում, որպեսզի հայերին ջնջի Ղարաբաղի պատմությունից․ Ալթայ Գոյուշով․ ՏԵՍԱՆՅՈՒԹ
ԱՄՆ-ը պատժամիջոցներ է սահմանել Միջազգային քրեական դատարանի նկատմամբ
Քաղաքականություն
09.10.2026 | 19:54
ԱՄՆ նախագահ Դոնալդ Թրամփի վարչակազմը պատժամիջոցներ է սահմանել Միջազգային քրեական դատարանի (ՄՔԴ) նկատմամբ, հայտնում է Reuters-ը, որին վկայակոչում է Meduza-ն։
ԱՄՆ պետքարտուղար Մարկո Ռուբիոն հայտարարել է, որ Վաշինգտոնը թույլ չի տա դատարանին հետապնդել ամերիկացիներին։ Նրա խոսքով՝ ԱՄՆ-ն արգելելու է գործարքները դատարանի հետ՝ «զրկելով նրան ռեսուրսներից և կաթվածահար անելով գործելու նրա կարողությունը»։
ՄՔԴ դատախազի տեղակալ Նաժաթ Շամիմ Խանը դատապարտել է պատժամիջոցները և հայտարարել, որ դրանք չեն կանգնեցնի դատարանի աշխատանքը։
ԱՄՆ-ը պատժամիջոցներ է սահմանել ՄՔԴ-ի նկատմամբ ընդամենը մի քանի ժամ անց այն բանից, երբ դատարանի նախկին դատավորներից մեկը՝ Նավանեթհեմ «Նավի» Փիլեյը, արժանացավ Խաղաղության Նոբելյան մրցանակի։
ԱՄՆ-ը բազմիցս դժգոհություն է հայտնել Միջազգային քրեական դատարանի գործունեության կապակցությամբ, մասնավորապես՝ այն բանից հետո, երբ ՄՔԴ-ն կալանքի օրդերներ է տվել Իսրայելի պաշտոնյաների, այդ թվում՝ վարչապետ Բենիամին Նեթանյահուի նկատմամբ, ինչպես նաև Աֆղանստանում կռված ամերիկացի զինվորների վերաբերյալ այժմ արդեն փակված հետաքննության առնչությամբ։
Թարգմանությունը՝ Էմմա Չոբանյանի
