03.11.2026 | 14:42
ՖԱՖ-ը բաց նամակ է հղել ՀՖՖ-ին ու ՀՖՖ անդամ կազմակերպություններին
Մոսկվայի բոլոր չորս օդանավակայաններում ժամանակավոր սահմանափակումներ են մտցվել
Քաղաքականություն
09.10.2026 | 19:47
Մոսկվայի «Վնուկովո», «Շերեմետևո», «Դոմոդեդովո» և «Ժուկովսկի» օդանավակայաններում տեղական ժամանակով 15։40-ից ժամանակավոր սահմանափակումներ են մտցվել: Այս մասին հայտնում է Ռոսավիացիան, գրում է BBC-ի ռուսական ծառայությունը։
Astra-ի հաղորդմամբ՝ դա կապված է Մոսկվայի և Մոսկվայի մարզի վրա անօդաչու թռչող սարքերի ու փոքր օդապարիկների հարձակման հետ։ ՌԴ մայրաքաղաքի հարավային շրջանների բնակիչները հայտնում են հակաօդային պաշտպանության համակարգերի աշխատանքի մասին։
FlightRadar24 ծառայության տվյալներով՝ «Վնուկովո» օդանավակայանում չվերթների ավելի քան 40%-ը հետաձգվել է, 10%-ը՝ չեղարկվել։ Ծառայության տվյալներով՝ ամենաշատ խափանումներն արձանագրվում են հենց այս օդանավակայանում։
Ավելի վաղ հաղորդվել էր, որ հոկտեմբերի լույս 9-ի գիշերը «Վնուկովո» օդանավակայանում թռիչքների սահմանափակումներ մտցնելուց հետո ավելի քան 150 չվերթ էր հետաձգվել։ Օդանավակայանը չէր գործել ավելի քան վեց ժամ։
Մոսկվայի և մարզի վրա անօդաչու թռչող սարքերի հարձակման վերաբերյալ պաշտոնական հաղորդագրություններ դեռ չեն եղել։
Թարգմանությունը՝ Էմմա Չոբանյանի
