04.04.2026 | 15:41
ՀՀ ՄԻՊ-ը ծանոթացել է ազատությունից զրկված անձանց պահման պայմաններին՝ «Վարդաշեն» ՔԿՀ-ում
Շիրակի մարզն ԱԺ-ում կունենա 3 պատգամավոր․ Մարտուն Գրիգորյանը կդառնա այս մարզից միակ ընդդիմադիր պատգամավորը
Քաղաքականություն
01.07.2022 | 14:02
Ազգային ժողովի նախկին պատգամավոր, ԲՀԿ Շիրակի մարզային խորհրդի նախկին նախագահ Մարտուն Գրիգորյանը որոշել է վերցնել պատգամավորական մանդատը։
Հիշեցնենք՝ ԱԺ «Պատիվ ունեմ» խմբակցության ղեկավար Արթուր Վանեցյանը վայր է դրել պատգամավորական մանդատը, իսկ դաշինքի նախընտրական ցուցակով հաջորդը Մարտուն Գրիգորյանն է։ Վերջինս տևական ժամանակ մտորում էր՝ վերցնե՞, մանդատը, թե՞ հրաժարվել։
Այսօր Մարտուն Գրիգորյանը վերջնական որոշում է կայացրել՝ գործունեությունը շարունակել Ազգային Ժողովում՝ դառնալով միակ ընդդիմադիր պատգամավորը Շիրակի մարզից։ Այս մասին Factor TV-ն տեղեկացավ նրա գրասենյակից։
Նշենք, որ Շիրակի մարզն այսուհետ խորհրդարանում կներկայացնի երկու իշխանական և մեկ ընդդիմադիր պատգամավոր։
ՔՊ-ական Էմմա Պալյանից բացի՝ խորհրդարան կանցնի նաև արտակարգ իրավիճակների նախկին փոխնախարար Կարեն Սարուխանյանը՝ ՔՊ-ական պատգամավոր Արթուր Դավթյանի մանդատը վայր դնելուց հետո։
Արմիկ Մովսիսյան
