ԵԽ Նախարարների կոմիտեն կքննարկի Ադրբեջանի կողմից ՄԻԵԴ-ի որոշումների կատարումը

Եվրոպայի խորհրդի Նախարարների կոմիտեն հունիսի 8-10-ի նիստերում քննարկելու է մի շարք երկրների կողմից ՄԻԵԴ վճիռների կատարումը, որոնց թվում է նաև Ադրբեջանը։ Լրատվամիջոցների իրավունքների խմբի ղեկավար Խալիդ Աղալիևն ադրբեջանական «Թուրան»-ին հայտնել է, որ հանդիպմանը կքննարկվի երկու խմբերի՝ «Խադիջա Իսմայիլի» և «Անար Մամեդլիի» 8 որոշում։ Առաջին խմբին վերաբերում են երկու որոշումներ, որոնք ընդունվել են ՄԻԵԴ-ի կողմից լրագրողի բողոքների հիման վրա։ Դրանք կապված են դիմումատուի անձնական կյանքի գաղտնիության և խոսքի ազատությունը խախտելու իրավունքի խախտման հետ։

Ադրբեջանի իշխանությունները տեղեկացրել են Եվրոպայի խորհրդին, որ իրավապահ մարմինները քրեական գործով հետաքննություն են սկսել՝ կապված լրագրողուհու անձնական կյանքին միջամտելու և նրա ինտիմ տեսանյութերի տարածման առնչությամբ։ Սակայն, «չնայած բազմաթիվ քննչական և օպերատիվ-որոնողական միջոցառումներին, հնարավոր չի եղել բացահայտել հանցագործներին, և գործը կարճվել է 2017 թվականին»։

Միևնույն ժամանակ, կառավարությունն իր պատասխանում նշել է, որ Իսմայիլովային փոխհատուցման գումարները երկու դեպքում էլ վճարվել են հաշվեգրված տոկոսներով։

Ինչ վերաբերում է «Անար Մամեդլիի խմբի» գործերին, ապա դրանք ՄԻԵԴ վճիռներն են իրավապաշտպանների ու ակտիվիստների՝ Անար Մամեդլիի, Ինթիգամ Ալիևի, Մամեդ Ազիզովի, Շահին Նովրուզլուի, Գիյաս Իբրահիմովի և Բայրամ Մամեդովի գործերով, ինչպես նաև Լեյլա և Արիֆ Յունուսների, որտեղ ճանաչվել է Մարդու իրավունքների եվրոպական կոնվենցիայի 18-րդ հոդվածի իրավունքների խախտումը։

Այսինքն՝ ՄԻԵԴ-ը համարել է, որ նրանք ձերբակալվել են իշխանություններին ուղղված քննադատության և քաղաքական գործունեության պատճառով։ Չնայած այդ անձանց նկատմամբ իրականացվող հետապնդումների անօրինականության ճանաչմանը՝ Ադրբեջանի իշխանությունները դեռ չեն արդարացրել նրանց։

ԵԽ Նախարարների կոմիտեին ուղղված պատասխանում Ադրբեջանի կառավարությունը նշում է, որ բոլոր դիմողների նկատմամբ քրեական հետապնդումն արդեն դադարեցվել է, և նրանց համար այլևս բացասական իրավական հետևանքներ չկան։

Էմմա Չոբանյան