19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Ակնայում ականի վրա պայթելու հետևանքով ադրբեջանցի է մահացել
Քաղաքականություն
15.11.2021 | 20:10
Այսօր Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել․ Ակնայում ականի վրա պայթելու հետևանքով 41-ամյա տղամարդ է մահացել։
Ադրբեջանի ՆԳՆ մամուլի ծառայությունից «ԱՊԱ»-ին հայտնել են, որ դեպքը տեղի է ունեցել այսօր ժամը 17։00-ի սահմաններում։ 1981 թվականին ծնված Աղաև Զաուր Իսաօղլուն անասուններին արածեցնելու ժամանակ պայթել է ականի վրա ու մահացել։
Նշենք, որ օրերս Ադրբեջանի ԱԳ նախարար Ջեյհուն Բայրամովը Ստամբուլում ընթացող Թյուրքալեզու պետությունների համագործակցության խորհրդի ԱԳ նախարարների 8-րդ նիստում Արցախի գրավյալ տարածքներում ականների վրա պայթելու հետևանքով զոհերի ու վիրավորների թարմ տվյալներ էր ներկայացրել։ Նա նշել էր, որ պատերազմի ավարտից հետո մինչ օրս Արցախի գրավյալ տարածքներում ականի վրա պայթելու հետևանքով զոհվել է 33 ադրբեջանցի, վիրավորել՝ 134-ը։ Ընդհանուր առմամբ, տուժել է 167 մարդ։ Բայրամովը, սակայն, տուժած քաղաքացիական անձանց ու զինվորականների առանձին տվյալներ չէր ներկայացրել։
Էմմա Չոբանյան
