Ալիկ Սարգսյանի անվան հետ կապվող ընկերությանը ձևական մրցույթով հատկացված 3,6 մլրդ դրամի հողերի վարձակալությունն անվավեր է ճանաչվել

Լուրեր

17.11.2026 | 15:26
Պրահայում երկու ուղևորատար գնացքների բախման հետևանքով 46 մարդ է տուժել․ ՏԵՍԱՆՅՈՒԹ
17.11.2026 | 15:24
Ալիկ Սարգսյանի անվան հետ կապվող ընկերությանը ձևական մրցույթով հատկացված 3,6 մլրդ դրամի հողերի վարձակալությունն անվավեր է ճանաչվել
17.11.2026 | 15:18
6 ամսով ձերբակալված Ուսման Նուրմագոմեդովն ազատ է արձակվել ԱՄԷ-ում
17.11.2026 | 15:11
ՀՀ-ն և ՌԴ-ն երկաթուղու հարցն են քննարկում // Գերմանիայի ԱԳ նախարարը Հայաստան կգա․ ԼՈՒՐԵՐ
17.11.2026 | 15:00
Հինգ եվրոպական երկրներ միգրանտներին կարտաքսեն Ռուանդա․ այնտեղ միգրանտների կենտրոն են բացում
17.11.2026 | 14:51
Կրեմլը հայտնում է, որ Պուտինին զեկուցել են Ղրիմի կամրջի շուրջ ստեղծված իրավիճակի մասին
17.11.2026 | 14:49
Սամվել Կարապետյանի գործով դատական նիստը. ՈՒՂԻՂ
17.11.2026 | 14:42
Մեծ Բրիտանիան ողջունում է Հարավային Կովկասում խաղաղության հաստատման ուղղությամբ արձանագրված առաջընթացը
17.11.2026 | 14:34
Հոկեյի կանանց ԱՄՆ-ի հավաքականը պաշտպանել է աշխարհի չեմպիոնի տիտղոսը. ՏԵՍԱՆՅՈՒԹ
17.11.2026 | 14:25
Տենց «շյուստրի» քա՞նի եղբայր եք. մեզ մանդատ են տվել, քանի որ դեմ ենք. Քրիստինե Վարդանյան․ ՏԵՍԱՆՅՈՒԹ
17.11.2026 | 14:13
Ադրբեջանում առաջարկել են դադարեցնել ռուսերենով կրթության ֆինանսավորումը պետբյուջեից
17.11.2026 | 14:04
Ասում եք` հլը սպասեք, ՌԴ-ն ձեզ գցելու է Զելենսկու վիճակի մեջ, հետո գնում ՌԴ ասում` արա՛, քո քայլն է․ Մարիա Կարապետյան․ ՏԵՍԱՆՅՈՒԹ
17.11.2026 | 13:53
Մեսրոպ Մանուկյանի ճեպազրույցը. ՈՒՂԻՂ
17.11.2026 | 13:50
Ճապոնիան կործանիչներ է օդ բարձրացրել՝ ի պատասխան ռուսական ինքնաթիռի կողմից օդային տարածքի խախտման
17.11.2026 | 13:50
Ռուբինյանը պայման առաջարկեց. կողմ ենք քվեարկում ձեր հայտարարությանը, դուք՝ Սահմանադրության նախագծին․ ՏԵՍԱՆՅՈՒԹ
Բոլորը

Հակակոռուպցիոն դատարանը բավարարել է Արարատի մարզի դատախազության հայցը՝ անվավեր ճանաչելով «Կենդանիների աշխարհ» ՍՊ ընկերությանը շուրջ 1054 հա բնապահպանական հողատարածք վարձակալության հանձնելու մրցույթներն ու պայմանագրերը։ Հողամասերի շուկայականին մոտարկված կադաստրային արժեքը կազմում է 3 մլրդ 627 մլն դրամ։ Դատախազության տվյալներով՝ 2009 թվականին հողատարածքները ձևական մրցույթով ընկերությանը հատկացրել էր Արարատի նախկին մարզպետ Վարդգես Հովակիմյանը՝ նախկին վարչապետ Հովիկ Աբրահամյանի, ԱԺ նախկին պատգամավոր Վարդգես Մաթևոսյանի և նախկին մարզպետ Ալիկ Սարգսյանի համար ցանկալի արդյունք ապահովելու նպատակով։ Վճիռն օրինական ուժի մեջ մտնելուց հետո հողատարածքները կվերադարձվեն պետության տիրապետմանը։

Հիշեցնենք՝ 2025 թվականի նոյեմբերին Դատախազությունը հայտնել էր, որ նույն ընկերությանը նախկինում անհատույց օգտագործման իրավունքով տրամադրված շուրջ 5330 հա հողատարածք՝ 158,3 մլն դոլար գնահատված արժեքով, արդեն վերադարձվել է պետությանը։ Այդ հողերը 2006 թվականին 49 տարի ժամկետով հատկացրել էր Արարատի այն ժամանակվա մարզպետ Ալիկ Սարգսյանը։ Ըստ Դատախազության՝ ընկերությունը պատկանել է նաև Վարդգես Մաթևոսյանին և Հովիկ Աբրահամյանի վարորդին։

Գլխավոր դատախազության հաղորդագրությունը՝ ստորև․

Դատախազությունը 2025 թվականի նոյեմբերի 11-ին տեղեկացրել էր, որ դատախազական ներգործության արդյունքում Հայաստանի Հանրապետությանն է վերադարձվել Արարատի մարզի տարածքում գտնվող, «Կենդանիների աշխարհ» ՍՊ ընկերությանը տարիներ առաջ անհատույց օգտագործման իրավունքով տրամադրված՝ 158 միլիոն 263 հազար ԱՄՆ դոլար արժեքով շուրջ 5330 հա մակերեսով հողատարածք:

Դատախազությունը, շարունակելով ուսումնասիրել «Կենդանիների աշխարհ» ՍՊ ընկերությանը պատկանող հողամասերի ձեռքբերման իրավաչափությունը, հայտնաբերել էր մի շարք այլ խախտումներ:

Մասնավորապես.

Վ.Հ.-ն, 2008 թվականի հունիսի 12-ից մինչև 2010 թվականի հուլիսի 15-ն ընկած ժամանակահատվածում, զբաղեցնելով Արարատի մարզպետի պաշտոնը, 2006 թվականի ընթացքում Տարածքային կառավարման նախարարի պաշտոնը զբաղեցրած Հ.Ա.-ի, նույն ժամանակահատվածում ՀՀ Ազգային ժողովի պատգամավոր Վ.Մ.-ի և Կոտայքի մարզի Առինջ գյուղի բնակիչ Ա.Ս.-ի համար ցանկալի արդյունքի հասնելու նպատակով, պաշտոնեական լիազորություններն անցնելով, «Կենդանիների աշխարհ» ՍՊ ընկերությանը 25 տարի ժամկետով, ձևական մրցույթ անցկացնելու եղանակով` վարձակալության իրավունքով, հատկացրել է Արարատի մարզի վարչական սահմաններում գտնվող ընդհանուր՝ 1054.95 հա մակերեսով 4 բնապահպանական հողատարածք:

2026 թվականի օգոստոսի 10-ին Դատախազության կողմից հայցադիմում էր ներկայացվել Հակակոռուպցիոն դատարան՝ ընդդեմ «Կենդանիների աշխարհ» ՍՊ ընկերության՝ 1054.95 հա մակերեսով հողամասերի՝ 2009 թվականի նոյեմբերի 23-ի մրցույթն անվավեր ճանաչելու և անվավերության հետևանքներ կիրառելու պահանջներով:

Դատարանի՝ 2026 թվականի օգոստոսի 16-ի որոշմամբ հայցադիմումն ընդունվել էր վարույթ:

Հակակոռուպցիոն դատարանի՝ 2026 թվականի նոյեմբերի 13-ի վճռով բավարարվել է Արարատի մարզի դատախազության հայցը։ Անվավեր են ճանաչվել 3 միլիարդ 627 միլիոն դրամ շուկայականին մոտարկված կադաստրային արժեքով 1054.2 հա մակերեսով 4 հողամասերի վերաբերյալ մրցույթները, ինչպես նաև կիրառվել են անվավերության հետևանքներ, այն է՝ անվավեր են ճանաչվել հողամասերը վարձակալության հանձնելու մասին կնքված պայմանագրերը և դրանց նկատմամբ կատարված պետական գրանցումները:

Վճիռն օրինական ուժի մեջ մտնելուց հետո, Հայաստանի Հանրապետության տիրապետմանը կվերադարձվի 1054.2 հա մակերեսով 4 հողատարածք: