18.11.2024 | 10:43
Աջափնյակ վարչական շրջանը նոր ղեկավար ունի, նախկին ղեկավարը նշանակվել է պոլիկլինիկայի տնօրեն․ ՏԵՍԱՆՅՈՒԹ
Դուք կրել եք դատավորի պատմուճանը, գիտեք դրա ծանրությունը. Երվանդ Խունդկարյանը՝ Տիգրան Մուկուչյանին․ ՏԵՍԱՆՅՈՒԹ
Հասարակություն
12.07.2021 | 11:59
Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննության ժամանակ ՍԴ դատավոր Երվանդ Խունդկարյանը, դիմելով պատասխանող կողմ հանդիսացող ԿԸՀ նախագահ Տիգրան Մուկուչյանին, նշեց. «Յուրաքանչյուր պետական մարմնի համար խախտումների մասին բարձրաձայնելը կարևոր է, որպեսզի վերլուծություններ անի»:
«Պարո՛ն Մուկուչյան, ես չէի ցանկանա անդրադառնալ այդ հարցին, որովհետև դուք դատավորի պատմուճանը նախկինում կրած անձ եք և դրա ծանրությունը շատ լավ հասկանում եք: Դուք ճիշտ արտահայտվեցիք, որ ասացիք, թե կխուսափեք որևէ գնահատական տալ դատական ակտերին, և շատ խրախուսելի է նման վարքագիծը: Բայց դուք միևնույն ժամանակ անդրադարձ կատարեցիք և մտահոգություն հայտնեցիք, որ Վարչական դատարանի կողմից կայացվել է երկու դատական ակտ, որոնք, ձեր կարծիքով՝ մեկը մյուսին հակասում են: Խոսքը վերաբերում էր այնպիսի դատական ակտերի, որոնք մեր դիմումի հետ ընդհանրապես կապ չունեն»,- նշեց Խունդկարյանը և հետաքրքրվեց, թե ինչու Մուկուչյանը խոսեց այդ դատական ակտերի մասին, արդյոք դրանք կարևոր էին:
Մանրամասները՝ տեսանյութում:
