16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԱԺ-ն մերժեց ռեյտինգային ընտրակարգը վերացնելու մասին նախագծի քննարկումը. դեմ էր միայն ՀՀԿ-ն (տեսանյութ)
Քաղաքականություն
27.02.2018 | 11:01
Ազգային ժողովը ձայների 39 կողմ, 56 դեմ հարաբերակցությամբ մերժեց «Ընտրական օրենսգրքում» փոփոխություններ կատարելու մասին օրենքի նախագիծն օրակարգում ընդգրկելու հարցը, որը բացասական եզրակացության էր արժանացել ԱԺ պետաիրավական և մարդու իրավունքների պաշտպանության հարցերի մշտական հանձնաժողովում:
Նախագիծը հեղինակած ԱԺ «Ծառուկյան» խմբակցության պատգամավոր Նաիրա Զոհրաբյանը մինչ քվեարկությունն ասաց. «Ես վստահ պնդում եմ, որ այս Ընտրական օրենսգրքով գնալ ընտրությունների նշանակում է գնալ հերթական այլասերված ընտրությունների»:
Զոհրաբյանը պնդեց՝ ռեյտինգային ընտրակարգը հանելու հարցի շուրջ կա քաղաքական կոնսենսուս: «Որևէ մեկը չի կարող վիճարկել, որ ապրիլի 2-ին եղան ընտրություններ, որի անունը, ցենզուրայից ելնելով, որակավորումներ չեմ տա: Այս ընտրակարգը պիտի վերացվի: Կոչ եմ անում խորհրդարանին տալ հնարավորություն քննարկել այս հարցը, ընդունել ցանկացած ընդունելի, ռացիոնալ որոշում»,- հավելեց պատգամավորը:
Առաջարկին կողմ արտահայտվեցին նաև ԱԺ ՀՅԴ և «Ելք» խմբակցությունները: ԱԺ փոխնախագահ, հանձնաժողովի անդամ Արփինե Հովհաննիսյանը մինչդեռ պնդեց՝ ընտրակարգը լիովին համապատասխանում է ժողովրդավարության կանոններին: Նա նկատեց, որ բոլոր երկրներում, որտեղ ընդունված է համամասնական մոդելը, այդ համակարգը տարածված է: «Աշխարհում այսօր նկատվում է տենդենց՝ հօգուտ բաց ցուցակների»,- շեշտեց Հովհաննիսյանը՝ կոչ արենոլվ պատգամավորներին դեմ քվեարկել:
Մանրամասները՝ տեսանյութում:
