28.10.2026 | 15:20
Իրանի դատարանը հայտնի ռեժիսոր Ջաֆար Փանահիին դատապարտել է 5 տարվա ազատազրկման
Բայդեն-Էրդողան հանդիպում Բրյուսելում․ ԱՄՆ նախագահը գոհ է արդյունքներից․ ՏԵՍԱՆՅՈՒԹ
Քաղաքականություն
14.06.2021 | 22:19
ԱՄՆ նախագահ Ջո Բայդենը երկուշաբթի Բրյուսելում ՆԱՏՕ-ի գագաթնաժողովի շրջանակում հանդիպել է Թուրքիայի նախագահ Ռեջեփ Թայիփ Էրդողանի հետ։ Բանակցություններից հետո նա ասել է, որ «շատ լավ հանդիպում» է ունեցել։ Այս մասին գրում է ՏԱՍՍ-ը՝ վկայակոչելով Սպիտակ տան հետ աշխատող լրագրողներին։
«Մենք շատ լավ հանդիպում ենք ունեցել»,- ասել է Սպիտակ տան ղեկավարը։
Երկու երկրների ղեկավարները նախ առանձնազրույց են ունեցել, ինչից հետո նրանց են միացել պատվիրակությունների անդամները: Բայդենի հետ բանակցություններին մասնակցել են ազգային անվտանգության հարցերով նրա օգնական Ջեյք Սալիվանը, պաշտպանության նախարար Լլոյդ Օսթինը և պետքարտուղար Էնթոնի Բլինկեն: Նշվում է, որ բանակցություններն ընդհանուր առմամբ երկու ժամից պակաս են տևել։
Քննարկումից մանրամասներ առայժմ չեն հաղորդվում։ Նշվում է, սակայն, որ Էրդողանը Բայդենի հետ հանդիպմանը նախատեսում էր բարձրացնել Անկարայի կողմից ռուսական S-400 զենիթահրթիռային համակարգերի ձեռքբերման հարցը, որի համար որոշակի պատժամիջոցներ են սահմանվել Թուրքիայի նկատմամբ, ինչպես նաև Անկարային հանել են հինգերորդ սերնդի F-35 կործանիչների ծրագրից։ Թուրքիայի նախագահը ծրագրում էր նաև ևս մեկ անգամ դժգոհություն հայտնել Թուրքիայի կողմից ահաբեկչական ճանաչված քրդական խմբավորումներին և ԱՄՆ-ում բնակվող Ֆեթուլլահ Գյուլենի կողմնակիցներին ամերիկյան շարունակական աջակցության կապակցությամբ։ Վերջիններին Անկարան մեղադրում է 2016 թվականին Թուրքիայում հեղաշրջման փորձի կազմակերպման մեջ:
