18.12.2025 | 23:24
ՀՀ տարածքում ավտոճանապարհները հիմնականում անցանելի են
Սյունիքում մարտեր չկան. ՀՀ ՊՆ
Քաղաքականություն
12.05.2021 | 13:09
Սյունիքում մարտեր չկան։ Այս մասին Factor.am-ի հետ զրույցում ասաց ՊՆ տեղեկատվության վարչության պետ Գևորգ Ալթունյանը։
Նա նշեց, որ տարածվող տեղեկությունները կեղծ են։
Հիշեցնենք որ քիչ առաջ տեղեկություններ տարածվեցին, թե Սյունիքում մարտեր են ընթանում, կան վիրավորներ։
Մասնավորապես Գորիսի փոխքաղաքապետ Իրինա Յոլյանն էր գրել, թե Իշխանասարի հատվածում թշնամին պետական սահմանը անցել է և ևս երեք կիլոմետր առաջ եկել դեպի Վերիշեն բնակավայր:
«Այս պահին բանակցում են։ Սև լճի տարածքից կիլոմետրերով առաջ են եկել և կանգնել։ Եթե GPS-ով Սև լճի 30 տոկոսն էր թշնամունը, սրանք էնքան են իրենց արտոնյալ համարում, որ որոշել են հասնել մինչև բնակավայր ու Շուռնուխի օրինակով առաջ գալ։ Ժողովուրդ չգիտեմ` էլի ով ինչ կհերքի, բայց լսեք սյունեցիների ահազանգը, բոլորիս վերջը գալու է, եթե շարունակենք այս վտանգավոր անտարբերությունը»,- գրել էր նա։
Իսկ Գորիսի մյուս փոխքաղաքապետ Մենուա Հովսեփյանը 24news-ի հետ զրույցում ասել էր, որ Իշխանասարի հատվածում՝ Սև լճի շրջանում, մի փոքր առաջ են եկել, սակայն մարտեր չեն ընթանում, կրակոցներ չեն եղել։
Նարեկ Կիրակոսյան
