09.06.2026 | 18:36
Ֆիլիպիններում երկրաշարժի հետևանքով զոհերի թիվը հասել է 41-ի
«Ամուլսարի հարցով քննիչն անաչառ չէր»․ Թեհմինե Ենոքյան. ՏԵՍԱՆՅՈՒԹ
Հասարակություն
25.03.2021 | 12:10
«Մենք գործ ունենք ստի ու կեղծիքի հետ, որ մեր պետական բյուջեից 450 հազար դոլար գումար է վճարվել «Էլլարդ»-ին, որպեսզի այդ ընկերությունը ուսումնասիրություն կատարի և տա անաչառ կարծիք Ամուլսարի խնդրի վերաբերյալ: «Ամուլսար. շահագործման վերակենդանացած ուրվականը» թեմայով առցանց քննարկման ժամանակ այս մասին ասաց բնապահպան-լրագրող, Գնդեվազ համայնքի բնակիչ Թեհմինե Ենոքյանը:
«Պարզվեց, որ տվյալները թերի են, նորմալ ուսումնասիրված չեն, բազմաթիվ փաստեր բացակայում են, որպեսզի կարողանան անաչառ կարծիք արտահայտել, այդ թերի եզրակացության վրա չկարողացան ասել, թե ինչ է լինելու, միայն կարողացան ասել, որ այն վիճակով, որով պատրաստվում են շահագործել, անդառնալի հետևանքներ է ունենալու: Այդ կարծիքի հետ վարչապետը հաշվի չնստեց…
Քննչական կոմիտեն խճճվել էր իր հարուցած գործում, և Ամուլսարի հարցով քննիչն անաչառ չէր կարող լինել, քանի որ ազգակցական կապեր ուներ բնապահպանության նախկին նախարար Արամայիս Գրիգորյանի հետ»,- նշեց Ենոքյանը:
Նա նաև հավելեց, որ Գնդեվազի բնակչության մեծամասնությունը դեմ է հանքի շահագործմանը:
Մանրամասները՝ տեսանյութում:
