17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Այսպես հնարավոր չէ կառավարումը կազմակերպել, պետական ապարատը ծանր կացության մեջ է. Հովսեփյան. ՏԵՍԱՆՅՈՒԹ
Քաղաքականություն
23.12.2020 | 17:02
Ընդդիմադիր 16 ուժերը շարունակում են պայքարը՝ պահանջելով վարչապետի հրաժարականը: Մյուս կողմից՝ Նիկոլ Փաշինյանը, արձագանքելով այդ ամենին, ասում է, որ հրաժարական չի տալու, և որ արտահերթ ընտրություններ պետք է անցկացվեն: Հանրության մեծ զանգվածներ չեն հավաքվում հրապարակում, որտեղ պահանջում են Փաշինյանի հրաժարականը:
Factor.am-ի հետ զրույցում անդրադառնալով այս դիտարկմանը և հարցին, թե ինչ սպասելիքներ ունի ժողովուրդը, «Իմ քայլը» խմբակցության պատգամավոր Սոֆյա Հովսեփյանը նշեց. «Հանրության սպասելիքը մեկն է՝ աշխատանք, որը չեմ տեսնում, թե արդարանում է: Այսօր պետական ապարատում բավականին ծանր կացության մեջ են, և դա հավանաբար գրագետ կազմակերպման պակասից է:
Թե պետք է հեռանա, թե պետք է չհեռանա պարոն Փաշինյանը, պետք է ժամանակավոր կառավարություն ձևավորվի, թե ոչ, ես մի քանի անգամ հայտնել եմ իմ դիրքորոշումը՝ կարծում եմ՝ այսպես հնարավոր չէ կառավարումը կազմակերպել: Փաստացի կառավարման համակարգում շատ բացեր կան, որոնք անմիջականորեն առնչվում են ՀՀ յուրաքանչյուր քաղաքացու հետ: Հրատապ քայլեր պետք է ձեռնարկվեն այդ բացերը կարգավորելու առումով»:
«Ընդդիմադիր ուժերը պահանջում են վարչապետի հրաժարականը և պահանջում են կառավարման ոլորտում իրենց լինելը, սա չեմ հասկանում և չեմ ընդունում, որովհետև եթե փոխոխություն ենք ուզում, ապա այն պետք է լինի նոր դեմքով, նոր որակով: Ե՛վ ներկայիս կառավարության, և՛ նախկին կառավարության կազմին ու գործունեությանը բնակչությունը շատ լավ ծանոթ է: Այսօր եթե ունենք խնդիրներ, որոնք քաղաքացիների կյանքի որակի վրա դրական չեն անդրադառնում, ապա այդ նույն խնդիրները կային երկար տարիներ, և նախկինում կային ավելի լուրջ խնդիրներ, որոնք երկուսուկես տարում չէին կարող վերացվել»,- նշեց պատգամավորը:
Մանրամասները՝ տեսանյութում:
