03.11.2026 | 16:10
Բաքվի և Անկարայի միջև ճգնաժամ․ կարո՞ղ է Թուրքիան բացել Հայաստանի հետ սահմանը․ թուրքական ԶԼՄ-ի անդրադարձը
Թուրքիայում ընդդիմադիր լրագրողին դատապարտել են 27 տարվա ազատազրկման
Քաղաքականություն
23.12.2020 | 17:48
Գերմանիայում բնակվող թուրք լրագրող Ջան Դյունդարը Թուրքիայում դատապարտվել է ավելի քան 27 տարվա ազատազրկման։ Այսօր Ստամբուլի դատարանը Դյունդարին դատապարտել է 18 տարվա ու 9 ամսվա ազատազրկման՝ «քաղաքական և զինվորական լրտեսություն» անելու մեղադրանքով։ Եվս 8 տարի ու 9 ամիս ազատազրկման է դատապարտվել«զինված ահաբեկչական կազմակերպությանը աջակցելու» մեղադրանքով։ Այս մասին հայտնում է DW-ի ռուսական ծառայությունը։
Ընդ որում Դյունդարին արդարացրել են գաղտնի տեղեկություններ հրապարակելու մասին մեղադրանքի մասով։ Դատարանը նաև պահանջել է ձերբակալել լրագրողին։ Դյունդարի փաստաբանները, ի նշան բողոքի, բոյկոտել են դատական նիստը՝ պարզաբանելով, որ նրանք չեն ցանկանում օրինականացնել դատավճիռը, որը կայացվել է քաղաքական պատճառներով։
Հավելենք, որ ընդդեմ Ջան Դյունդարի քրեական գործ է հարուցվել այն բանից հետո, երբ 2015 թվականին ընդդիմադիր Cumhuriyet թերթը , որի գլխավոր խմբագիրն էր Դյունդարը, հրապարակել է գաղտնի տեղեկություն, որը հաստատում էր , որ Թուրքիայի կառավարությունը զենք է մատակարարում Սիրիայի ապստամբներին։
Տաթև Ֆռանգյան
