18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գոնե ասեին՝ խեղճ ժողովուրդն իր ունեցվածքից մի բան կհաներ․ Հին Թաղերի ղեկավարը՝ գյուղն ադրբեջանցիներին հանձնելու մասին․ ՏԵՍԱՆՅՈՒԹ
Քաղաքականություն
16.12.2020 | 17:37
Ի՞նչ է տեղի ունեցել Հին Թաղերում և ինչո՞ւ այն հանձնվեց ադրբեջանցիներին։ Factor TV-ի հետ զրույցում Հադրութի շրջանի Հին Թաղերի գյուղապետ Էդիկ Այվազյանն ասաց՝ իրենց այդ մասին նախապես ոչինչ չէին ասել։
«Ո՛չ գրաժդանսկի կա մեր գյուղում, ո՛չ էլ բանակից, թուրքերին են տվել։ Խաղաղ բնակիչներին մի քիչ շուտ էի տարհանել, կռիվներ էին գնում էնտեղ, բայց դիրքերը պահում էինք տղերքով։ Ամսի 30-ին ՄՈԲ-ը եկավ, հանձնեցինք իրենց։ Հետո շաբաթ օրը էդ մարտը եղավ՝ վիրավորներ, գերիներ․․․ էլ արդեն չգիտեմ՝ էնտեղ կոնկրետ ինչ վիճակ ա։ Գիտեմ, որ երեկ ռուսները գյուղը տվել են թուրքերին»,- ասաց Էդիկ Այվազյանը։
Հարցին՝ արդյո՞ք գյուղապետն ու բնակիչները նախապես տեղեկացվել են գյուղը հանձնելու մասին, Էդիկ Այվազյանը պատասխանեց՝ իրենց իմանալով՝ գյուղերը մնալու էին իրենց տիրապետության տակ։
«Գոնե ասեին՝ խեղճ ու կրակ ժողովուրդն իր ունեցվածքից մի բան կհաներ։ Անընդհատ խաբում էին՝ ռուսը պիտի գա, կանգնի։ Ռուսն էլ եկավ, տվեց թուրքերին ու վերջ։ Ամեն ինչ՝ ունեցվածք-բան, թողեցինք էնտեղ ու դուրս եկանք»,- պատմեց գյուղապետը։
Արդյո՞ք որևէ պարզաբանում փոխանցել են, որևէ մեկին դիմել են հարցին էլ Այվազյանը հարցով է պատասխանում՝ ո՞ւմ դիմի։
«Նախագահին զանգում եմ, համարը փոխել ա, չեմ կարող հետը խոսել։ Մեր վարչակազմի ղեկավարը տեղյակ չի, թե ինչ ա կատարվել։ Ումի՞ց ճշտես, անտերություն ա»,- եզրափակեց Հին Թաղերի գյուղապետ Էդիկ Այվազյանը։
Մանրամասները՝ տեսանյութում։
Իրինա Մկրտչյան
