16.05.2024 | 23:24
ԱՄՆ-ում եղբայրները դատարանի առջև են կանգնել՝ 12 վայրկյանում 25 միլիոն դոլարի կրիպտոարժույթ գողանալու համար
Մանվել Գրիգորյանի գործը չի կարճվի, հարազատները որոշել են ապացուցել նրա անմեղությունը. փաստաբան
Հասարակություն
01.12.2020 | 12:48
Գեներալ Մանվել Գրիգորյանի ընտանիքը որոշել է, որ նրա գործով դատական նիստը շարունակվելու է: Այսօր նախատեսված է հերթական դատական նիստը: Այս մասին Factor.am-ի հետ զրույցում ասաց Գրիգորյանների փաստաբանական թիմից Գուրգեն Գրիգորյանը:
«Օրենքը հնարավորություն է տալիս մարդու մահվան դեպքում գործը կարճել, բայց հարազատների որոշումն է, որ դատական նիստը պետք է անպայման շարունակվի: Նրանք ցանկանում են, որ ապացուցվի նրա անմեղությունը»,- ասաց փաստաբանը:
Հիշեցնենք՝ Մանվել Գրիգորյանը մահացել է նոյեմբերի 19-ին: Նա մեղադրվում էր ապօրինի կերպով զենք-զինամթերք պահելու, ավելի քան 101 մլն դրամ յուրացնելու, ավելի քան 1 մլրդ դրամ հարկերի վճարումից խուսափելու, պետական միջոցներից ավելի քան մեկ մլրդ դրամ վատնելու և շորթմամբ 37 մլն դրամ արժողությամբ գույքի հափշտակություն կազմակերպելու համար: Նա մեղադրանքը չէր ընդունում:
Մանվել Գրիգորյանը անազատության մեջ գտնվեց մեկուկես տարի: 2020 թվականի հունվարի 15-ին խափանման միջոց կալանքը փոխարինվեց չհեռանալու մասին ստորագրությամբ: Նա ուներ մի շարք առողջական խնդիրներ:
Նարեկ Կիրակոսյան
