02.08.2026 | 14:59
Դավիթ Առաքելյանն ազատվել է ԱԺ աշխատակազմի ղեկավարի պաշտոնից
Ռուս խաղաղապահների հերթական շարասյունը շարժվել է դեպի Ստեփանակերտ․ ՌԴ ՊՆ. ՏԵՍԱՆՅՈՒԹ
Քաղաքականություն
18.11.2020 | 14:49
ՌԴ խաղաղապահ ստորաբաժանումների զինծառայողները բեռնաթափել են Ռուսաստանի Դաշնությունից երկրի օդատիեզերական ուժերին պատկանող Իլ-76 ռազմատրանսպորտային ինքնաթիռներով «Էրեբունի» օդանավակայան տեղափոխված ավտոմոբիլային տեխնիկան ու նյութատեխնիկական ապահովության միջոցները։ Այս մասին հայտնում են ՌԴ Պաշտպանության նախարարությունից։
Հաղորդագրության համաձայն՝ Լեռնային Ղարաբաղի հակամարտության գոտում խաղաղապահ գործողություններին մասնակցելու համար ժամանած 15-րդ խաղաղապահ բրիգադի ստորաբաժանումների հերթական շարասյունը բեռնաթափումից հետո Երևանից շարժվել է դեպի Ստեփանակերտ:
Ռուսաստանի ռազմական ոստիկանությունը ապահովել է ռազմական շարասյան անվտանգությունը:
Նշվում է, որ խաղաղապահ զորակազմը բաղկացած է պայմանագրային զինծառայողներից, ովքեր անցել են հատուկ ուսուցում՝ խաղաղապահ առաջադրանքներ իրականացնելու համար, այդ թվում նաև զինված բախումներում միջազգային մարդասիրական իրավունքի նորմերի ուսումնասիրում և պահպանում:
Տաթև Ֆռանգյան
