09.10.2026 | 21:13
Ադրբեջանի դպրոցներում աշակերտները բողոքի ակցիաներ են անցկացրել հիջաբ կրելու արգելքի դեմ․ ՏԵՍԱՆՅՈՒԹ
Երկաթգիծը քանդելը մեծ վնաս է հասցրել մեր անվտանգային համակարգին. Անդրանիկ Քոչարյան. ՏԵՍԱՆՅՈՒԹ
29.10.2020 | 12:00
Հակառակորդի հարվածային հիմնական ուղղությունը հարավային ուղղությունն էր, իսկ հեռահար նպատակը՝ հատկապես Թուրքիայի համար Մեղրին էր: Ազգային ժողովի ճեպազրույցների ժամանակ այս մասին ասաց «Իմ քայլը» խմբակցության պատգամավոր, ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Նրա խոսքով՝ բանակցային ինչ-որ փուլում Ռոբերտ Քոչարյանի կողմից Մեղրին դարձավ բանակցային թեմա: «Մեղրիում մեր պետության ռազմական կարողությունները պետք է լինեն շատ ավելի ամուր: 90-ականներին, քանի որ եղել եմ արտակարգ դրության պարետը, Վազգեն Սարգսյանի հանձնարարությամբ ինձ ուղարկել են Մեղրի, որպեսզի մեր բանակային կառույցները այնտեղ օր առաջ ձևավորվեն: Մեղրիի երկաթգծի Օրդուբադի և Զանգելանի հատվածների, կամուրջների պայթեցմամբ մենք փորձեցինք մեկուսացնել այդ հատվածը՝ խուսափելով հնարավոր ռազմական ներթափանցումներից: Բայց այսօր պարզվեց, որ երկաթգիծը քանդելը մեծ վնաս է հասցրել մեր անվտանգային կոմունիկացիոն համակարգին»,- նշեց Քոչարյանը:
Անդրադառնալով հարցին, թե Հայաստանն ինչու չի դիմում ՀԱՊԿ-ին՝ ՀՀ հարավային սահմանի ուղղությամբ ադրբեջանական ագրեսիայի պայմաններում՝ Քոչարյանը նշեց. «ՀԱՊԿ-ին դիմելու խնդիր կարող է և չլինել։ Եթե դրանք լինեն պարբերաբար կրկնվող, այլ հարց է։ Գիտեք, որ Մեղրիում նաև սահմանապահ զորքեր են տեղակայված, և հրետակոծվում են ոչ միայն Հայաստանի տարածքը, այլ նաև Ռուսաստանի պաշտպանական կառույցները։ Եվ այստեղ այդ խնդիրը կառաջանա, եթե դրանք լինեն արդեն շատ նկատելի թիրախային»։
Մանրամասները՝ տեսանյութում:
