17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
Քննիչ հանձնաժողովն ուսումնասիրելու է ոչ միայն մարդկային, այլև տարածքային կորուստների պատճառները․ Անդրանիկ Քոչարյան. ՏԵՍԱՆՅՈՒԹ
Քաղաքականություն
04.06.2019 | 18:25
Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովն այսօր անցկացրեց աշխատանքային առաջին նիստը, որից հետո հանձնաժողովի նախագահ Անդրանիկ Քոչարյանը Factor.am-ի հարցին ի պատասխան տեղեկացրեց՝ հանձնաժողով կհրավիրվեն ինչպես ներկա, այնպես էլ նախկին պաշտոնյաներ։
«Մենք կանչելու ենք բոլոր նրանց, ովքեր կարող են հանձնաժողովի աշխատանքներին տալ օգտակար տեղեկատվություն։ Համոզված եմ՝ իրավական առումով շատերը կարող են օգտվել իրենց իրավունքից և ասել՝ կանչում եք, չենք գալիս, բայց բարոյական տեսանկյունից որևէ մեկն իրավունք չունի իրեն հայտնի տեղեկությունը հանձնաժողովին չտրամադրել»,- ասաց Անդրանիկ Քոչարյանը՝ նկատելով, որ հանձնաժողովի առաջիկա նիստերի ընթացքում հստակ կորոշեն՝ ովքեր են առաջին պաշտոնյաները, որոնց կհրավիրեն նիստին։
Հանձնաժողովի նախագահը շեշտեց՝ կապ են պահելու նաև զոհերի հարազատների հետ, որոնք, ըստ Քոչարյանի, հսկայական տեղեկատվության կրող են:
Ի դեպ՝ Անդրանիկ Քոչարյանը նշեց, որ կուսումնասիրվեն ոչ միայն մարդկային, այլև տարածքային կորուստների հանգամանքները։
Հանձնաժողովի աշխատանքները կտևեն վեց ամիս, որից հետո կլինի զեկույց այնպիսի փաստերով, որոնք, հաձնաժողովի նախագահի համոզմամբ, կլինեն անառարկելի:
Մանրամասները՝ տեսանյութում։
Շողիկ Գալստյան
