Քաղաքականություն
10.05.2019 | 11:58Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանը խորհրդարանում պատգամավորների հարցերին պատասխանող ՀՀ գլխավոր դատախազ Արթուր Դավթյանից հետաքրքրվեց, թե իր որ արժանիքի համար նրան Սերժ Սարգսյանն առաջադրեց գլխավոր դատախազի պաշտոնում։
«Եթե դուք չլինեինք այդ համակարգի կամակատարը, արդյոք նա Ձեզ կառաջադրե՞ր այդ պաշտոնում»,- հարցրեց պատգամավորը։
Որպես պատասխան Արթուր Դավթյանը պատգամավորին կոչ արեց բացել և կարդալ իր կենսագրությունը։
«Ես չգիտեմ՝ ի՞նչ կապ տեսաք, բայց ես կառաջարկեմ բացել իմ կենսագրությունը և տեսնել անցած ճանապարհս դատախազական համակարգում և կարծում եմ, որ դրանից հետևություններ կանեք։ Ես երբեք ինձ առաջարկողին չեմ հարցրել՝ ինչի համար ինձ առաջարկեց։ Ինձ համապատասխանն իմ անցած ճանապարհն է»,- նշեց Դավթյանը։
Մանրամասները՝ տեսանյութում։
