26.11.2024 | 13:25
Վրաստանի խորհրդարանի նախագահն առաջարկել է նախագահի ընտրությունն անցկացնել դեկտեմբերի 14-ին
Ձևակերպում չկա, որ լինի օրենք, որ սա տնտեսական հեղափոխություն է. Միքայել Մելքումյան. ՏԵՍԱՆՅՈՒԹ
Քաղաքականություն
18.02.2019 | 11:27
Ինչպիսին էլ եղել է «Բարգավաճ Հայաստան» խմբակցության քվեարկությունը, այնուամենայնիվ, մենք շահագրգռված ենք, որ տեղի ունենա տնտեսական հեղափոխություն: Փետրվարի 18-ին խորհրդարանական ճեպազրույցների ժամանակ այս մասին ասաց ԲՀԿ խմբակցության պատգամավոր Միքայել Մելքումյանը:
Նա, միաժամանակ, նշեց, որ ծրագրում չկա հստակ թվաբանություն:
Factor.am-ի դիտարկմանը, որ վարչապետ Նիկոլ Փաշինյանը հայտարարում է, թե տնտեսական հեղափոխությունը պետք է քաղաքացիներն անեն՝ տնտեսական հեղափոխության ակտիվիստներ դառնալով, Մելքումյանը պատասխանեց. «Իրավական ոչ մի ձևակերպում չկա, որ լինի օրենք, որ տնտեսական հեղափոխությունը սա է: Բոլորս էլ հասկանում ենք, որ տնտեսական հեղափոխություն նշանակում է կտրուկ փոփոխություն: Փոփոխությունն այն չպետք է լինի, որ նախորդ կառավարության ժամանակ ասում էին՝ 7-8 տոկոս տնտեսական աճ կա, բայց մարդիկ իրենց վրա փոփոխություն չէին զգում: Մեր մաշկի վրա փոփոխություններ զգալու համար մեզ պետք է 2-3 միլիարդ դոլարի ներդրում»,- ասաց նա:
Մանրամասները՝ տեսանյութում:
Նարեկ Կիրակոսյան
