Ամենախիստ պատժին պետք է արժանանա անձը, որի մեղավորությունը հաստատվում է ընտրակաշառքի հարցում․ Գալյան․ ՏԵՍԱՆՅՈՒԹ

Արդարադատության նախարար Սրբուհի Գալյանը անդրադառնալով հարցին, որ ՔՊ–ն ընդունում է մեծ ծավալով ընտրակաշառքներով կայացած ընտրությունների արդյունքները, ասաց. «Նախ, ինչպիսի չափի մասին է խոսքը, դա շատ մեծ նշանակություն ունի, երկրորդ, մեր կարծիքն այն է, որ ընտրակաշառքի դեպքերը պետք է արձագանք ստանան իրավապահ մարմինների կողմից, և մենք ականատեսն ենք նրա, որ ստացել են կամ շարունակում են ստանալ և յուրաքանչյուր կոնկրետ գործով անցնող անձը, եթե նրա մեղքը հաստատվում է, պետք է արժանանա քրեական ամենախիստ պատասխանատվության։ Սա է մեր դիրքորոշումը»։

Իրավիճակին, որ ՍԴ-ն դեռ քննարկում է ընտրությունների արդյունքները վիճարկող դիմումները, սակայն իշխող ուժն արդեն պաշտոններ է բաժանում, արդարադատության նախարարն արձագանքեց. «Ընտրությունների արդյունքները վավեր են, քանի դեռ դրանք անվավեր չեն ճանաչվում։ Այն ինչ տեղի է ունենում «Քաղաքացիական պայմանագիր» կուսակցությունում, ժողովրդավարության հերթական դրսևորումն է, երբ պաշտոնները ոչ թե բաժանվում են, այլ ընտրվում են, այսինքն՝ վարչության անդամների կողմից տեղի է ունենում ընտրության պրոցես, ինչը, կարծում եմ, շատ նորմալ է և այս պրոցեսի հետ կապված միայն ուրախություն կարելի է արտահայտել և ոչ թե մտահոգություն։

Ես տեսել եմ մամուլի հրապարակումներից, որ այլ ուժեր ևս քննարկում են կամ քննարկել են մանդատ վերցնել-չվերցնելու հարցը, և ձեր հարցին կարող ենք նաև նայել այդ լույսի ներքո, բայց ես նորմալ եմ համարում այդ գործընթացը։ Քաղաքական ուժերի կողմից նորմալ գործընթաց է, որը նորմալ է, որ տեղի է ունենում հերթական ընտրություններից հետո»։

Մանրամասները՝ տեսանյութում։