17.08.2026 | 13:26
Արտահանողները գաղտնի նավթի փոխադրումներ են իրականացնում Հորմուզի նեղուցով. Bloomberg
Թեհրանը ո՛չ հաստատում, ո՛չ էլ հերքում է ԱՄԷ-ի վրա հարձակումները
Քաղաքականություն
05.05.2026 | 11:30
Իրանի կողմից հրթիռային և անօդաչու թռչող սարքերի հարձակման մասին ԱՄԷ-ից ստացված հաղորդագրություններից հետո Թեհրանը ո՛չ հաստատել, ո՛չ էլ հերքել է հարձակումները, գրում է DW-ն։
Ավելի վաղ Իրանի պետական հեռուստատեսությունը, վկայակոչելով անանուն ռազմական պաշտոնյայի, ասել էր, որ Թեհրանը ԱՄԷ-ն կամ նրա նավթահանքերից որևէ մեկը թիրախավորելու «ոչ մի ծրագիր» չունի։
«Միջադեպը ԱՄՆ ռազմական արկածախնդրության արդյունք է՝ անօրինական անցում ապահովելու համար»,- ասել է պաշտոնյան նավթային օբյեկտների վրա հարձակման մասին՝ ակնհայտորեն նկատի ունենալով Թրամփի վերջին ջանքերը՝ վերաբացելու Հորմուզի նեղուցը։
Կիրակի ԱՄՆ նախագահ Դոնալդ Թրամփը հայտարարել էր, որ Միացյալ Նահանգները երկուշաբթի կսկսի ջանքերը՝ «ուղղորդելու» Պարսից ծոցում մնացած նավերին։
Իրանի արտաքին գործերի նախարար Աբբաս Արաղչին երեքշաբթի առավոտյան հայտարարել է, որ Հորմուզի նեղուցում «քաղաքական ճգնաժամի» համար «ռազմական լուծում չկա»։ Արաղչին ասել է, որ խաղաղության բանակցություններն «առաջընթաց են գրանցում» Պակիստանի ջանքերի շնորհիվ, և որ Միացյալ Նահանգները պետք է «զգույշ լինի, որ չարամիտների կողմից կրկին ճահիճը չքաշվի»։
Քննադատելով ԱՄՆ-ի կողմից Իրանի նավահանգիստների շարունակվող շրջափակումը՝ նա հայտարարել է. «Ազատության նախագիծը փակուղի նախագիծ է»։
Թարգմանությունը՝ Էմմա Չոբանյանի
