13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Իրար լսելը և ճիշտ արձագանքելն այսօր դարձել է լուրջ խնդիր. ապաքաղաքական զրույց Դավիթ Ամիրյանի հետ. ՏԵՍԱՆՅՈՒԹ
Հաղորդաշարեր
22.09.2024 | 21:00
Factor TV-ի A-politic հաղորդաշարի հյուրն է սոցիալական հոգեբան Դավիթ Ամիրյանը: Նրա համոզմամբ՝ սոցցանցերը չեն նպաստում մարդկանց մեկուսացման հաղթահարմանը: Մարդուն կարող է թվալ, որ նա մշտական շփման մեջ է այլ մարդկանց հետ, բայց իրականում նա, շատ հնարավոր է, որևէ կապ չունենա սոցիումի հետ:
Խոսելով վերջին տասնամյակներում առաջ եկած շփման խնդիրների մասին՝ հաղորդման հյուրը բերում է հետևյալ օրինակը. մեկը կարող է մի քանի էջանոց նամակ գրել, բայց հրաժարվել հասցեատիրոջ հետ հանդիպել և նույն թեմայով խոսել: Հոգեբանը դա բացատրում է նրանով, որ մարդիկ գրելուց իրենց ավելի հարմարավետ են զգում, քան երբ զրուցում են, նայելով մարդկանց աչքերին, իրար լսելով, արձագանքելով և արձագանքներ ստանալով:
Խնդիրների լուծման ճանապարհները հոգեբանը տեսնում է նաև կրթական նոր ռազմավարության մեջ: Նրա կարծիքով՝ դպրոցում շեշտը պետք է դնել մարդասիրության և համագործակցության, ոչ թե մրցակցության և իրար «հաղթելու» վրա: Դա մեթոդներից մեկն է, որով հնարավոր կլինի հաղթահարել մարդկանց օտարացումը, մեկուսացումը կամ, ինչպես սոցիոլոգներն են դա անվանում, «ատոմիզացիան»:
Մանրամասները՝ տեսանյութում:
Արամ Աբրահամյան
