ԵՐԵՎԱՆԻ ԺԱՄԱՆԱԿՈՎ․ «Երբ ես ընտրվեցի միության նախագահ, Ամիրխանյանը ցավակցեց ինձ, չշնորհավորեց»․ Արամ Սաթյան

Լուրեր

22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
Բոլորը

«Այն, ինչ այսօր հնչում է մայրաքաղաքի  փողոցներում, ոչ մի կապ չունի Հին Երևանի հետ։ Ամենուրեք հնչում է արտասահմանյան երաժշտություն, այնինչ ես այն կարծիքին եմ, որ գոնե 25 տոկոսով  պետք է հնչեն հայ կոմպոզիտորների գործեր։ Երևանը գոնե երաժշտականորեն պետք է պահպանի իր ավանդույթները»,- նշում է Կոմպոզիտորների միության նախագահ Արամ Սաթյանը՝ Factor.am-ի «Երևանի ժամանակով» զրուցաշարի շրջանակում։  

Նա նաև նկատում է,  որ  հայ կոմպոզիտորների գործերը հանրահռչակելու համար անհրաժեշտ է կատարել ներդրումներ և ստեղծել կապեր: «Այսօր մենք քիչ ջանքեր ենք գործադրում, որպեսզի  հայ երաժշտությունը հնչի դրսում»,- շեշտում է նա։

Կոմպոզիտորն անդրադարձել է Դիլիջանի ստեղծագործական տան ճակատագրին՝ տեղեկացնելով, որ այնտեղ տարվել են վերանորոգման աշխատանքներ, որոնց, սակայն, պետությունը մասնակցություն  չունի․ դրանք կատարվել են մասնավոր ներդրումներ հաշվին: «Կցանկանայի, որ պետությունն օժանդակեր դահլիճի, ճաշարանի  վերականգնմանը»,-ասում է նա՝ հավելելով, որ ստեղծագործական այդ տունը հուշարձան է, և եթե այն գտնվեր, օրինակ,  որևէ եվրոպական երկրում, արդեն թանգարանի վերածված կլիներ։

Արամ Սաթյանը խոսում է նաև Կոմպոզիտորների միության ներսում տիրող մթնոլորտի մասին, անդրադառնում իր և միության նախկին նախագահ Ռոբերտ Ամիրխանյանի հարաբերություններին: «Երբ ես ընտրվեցի միության նախագահ, Ռոբերտ Ամիրխանյանը մոտեցավ ինձ, ձեռքը մեկնեց ու ցավակցեց, չշնորհավորեց․․․»,- պատմում է նա։ Դրանից հետո, կոմպոզիտորի խոսքով, հարաբերություններ հաստատելու նպատակով ինքը երկու անգամ մոտեցել է Ամիրխանյանին: «Փորձերս, սակայն, արդյունք չտվեցին․ նա իր նախկին կեցվածքի մեջ էր»,- անկեղծանում է մեր զրուցակիցը։

Ի դեպ, Ա․Սաթյանը դեռևս 2011-ից բանակցում է, որպեսզի բեմադրվի Հոֆմանի «Գաճաճ Ցախես» ստեղծագործության հիման վրա օպերա: «Աշխատանքը, սակայն, չեմ ավարտում․․․ Մինիմալ ֆինանսներ են պետք, պետք է պատվեր լինի․․․ Որևէ մեկին պե՞տք է արդյոք այդ օպերան»,- տարակուսում է կոմպոզիտորը։

Մանրամասները՝ Factor.am-ի տեսանյութում։

Աննա Բաբաջանյան