07.10.2026 | 23:48
Արթուր Դանիելյանը կալանավորվեց
40 միլիոնանոց ծրագիր՝ Կրասարում․ Աշոցքի լեռնային աղբյուրներից խմելու ջուր կհասցնեն գյուղ
Տնտեսություն
25.07.2022 | 12:34
Աշոցք խոշորացված համայնքի 400 բնակիչ ունեցող Կրասար բնակավայրը շուտով խմելու ջուր ունենա․ սարերից բխող բնական ջուրը խողովակաշարով կհասցնեն համայնք։ Խմելու ջրի խնդիրը լուծվում է սուբվենցիոն ծրագրով՝ կառավարության և համայնքի մասնակցությամբ, շինարարական աշխատանքներն արդեն սկսվել են։ Ծրագրի արժեքը 40 միլիոն դրամ է։
Կրասար բնակավայրի վարչական ղեկավար Գեղամ Գևորգյանը մեզ հետ զրույցում ասաց․
«Ոռոգման համակարգ չունենք, Աստծո հույսին ենք, անձրև եկավ՝ բերք կլինի, չեկավ՝ չի լինի։ Գյուղն ունի նաև խմելու ջրի խնդիր, սակայն այս պահին փորձում ենք լուծել դա։ Այս տարի սուբվենցիոն ծրագրով ընթանում են շինարարական աշխատանքները, բնական աղբյուրներ ունենք։ Ծրագրով 4 աղբյուրներ միացնելու են իրար, ավազան է սարքվելու ու առանձին խողովակաշարով գալու է, լցվի մեր գյուղի սարի վրա գտնվող ավազանը, մատակարարվելու է այդտեղից։ 3 կլիոմետր ջրատար պիտի կառուցվի՝ ջուրն ակունքից մինչև մեր սարի վրայի ավազան հասցնելու համար։ Տարիներ շարունակ եկել են, խոստացել են լուծել խնդիրը, կիսատ են մնացել խոստումները, բայց հիմա նման բան չկա, այս ժամանակաշրջանում կիսատ մնացող ծրագիր չկա», -ասաց Գեղամ Գևորգյանը։ Ըստ վարչական ղեկավարի՝ ոռոգման համակարգ չունենալու պատճառով այս գյուղում հիմանական ստիպված են զբաղվել միայն անասնապահությամբ։
Արմիկ Մովսիսյան
