10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
Իսրայելն ու ՀԱՄԱՍ-ը հրադադարի համաձայնագիր են ստորագրել
Քաղաքականություն
15.01.2025 | 23:34
Իսրայելը և ՀԱՄԱՍ-ը հրադադարի մասին համաձայնագիր են ստորագրել, հունվարի 15-ի ուշ երեկոյան հայտնել է բանակցություններում որպես միջնորդ հանդես եկած Կատարի վարչապետ Մուհամեդ Ալ Թանին: Այս մասին տեղեկացնում է Meduza.io-ն։
Նրա ելույթից մի քանի ժամ առաջ համաձայնագրի ստորագրման մասին գրել են բազմաթիվ լրատվամիջոցներ, և չսպասելով պաշտոնական հաստատումներին՝ հազարավոր մարդիկ Իսրայելում և Գազայի հատվածում դուրս են եկել փողոց՝ ողջունելու պայմանավորվածությունների ձեռքբերումը:
Միաժամանակ Իսրայելում ցույցի են դուրս եկել հարյուրավոր մարդիկ, որոնք դժգոհ են գործարքից։ Առաջիկա վեց շաբաթվա ընթացքում ազատ կարձակվեն գրեթե հարյուր պատանդներից միայն 33-ը (մնացածի ճակատագիրը դեռ բանակցությունների առարկա է): Բացի դրանից՝ իսրայելցիների մի մասը դժգոհ է ՀԱՄԱՍ- ի հետ զինադադարի փաստից. վարչապետ Բենիամին Նեթանյահուն բազմիցս հայտարարել է, որ այդ ահաբեկչական կազմակերպության ոչնչացումը պատերազմի նպատակներից մեկն է:
