25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
ԵՄ-ն Ադրբեջանին կոչ է անում ազատ արձակել իրենց հիմնարար իրավունքների իրացման համար ձերբակալվածներին
Քաղաքականություն
15.01.2025 | 22:14
ԵՄ-ն Ադրբեջանի իշխանություններին կոչ է անում ազատ արձակել բոլոր նրանց, որոնք բանտարկվել են իրենց հիմնարար իրավունքների իրացման համար։
«ԵՄ-ն ափսոսում է ակտիվիստներ Բահթիյար Հաջիևի, Ռաիլ Աբբասովի և Իլհամիզ Գուլիևի, Kanal 11-ի լրագրող Թեյմուր Քարիմովի, ինչպես նաև արհմիության անդամ Աֆիադդին Մամեդովի բանտարկության համար: Մենք կրկնում ենք մեր կոչը՝ ազատ արձակել բոլոր նրանց, որոնք ձերբակալվել են իրենց հիմնարար իրավունքների իրացման համար»,- ասվում է Ադրբեջանում ԵՄ պատվիրակության ֆեյսբուքյան էջում տարածված հաղորդագրության մեջ։
Հավելենք, որ նախօրեին էլ Ադրբեջանում ԱՄՆ դեսպանատունն էր արձագանքել ընդդիմադիր ակտիվիստ Բահթիյար Հաջիևին 10 տարով ազատազրկելու՝ Բաքվի դատարանի որոշմանը և կոչ արել ազատ արձակել անարդարացի ձերբակալվածներին։
Թարգմանությունը՝ Էմմա Չոբանյանի
