09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Կարսում թուրք-ադրբեջանական զորավարժություններ կանցկացվեն
Քաղաքականություն
15.01.2025 | 20:54
«Ձմեռային զորավարժություններ-2025» համատեղ զորավարժությունների նախապատրաստման շրջանակում, որոնք կանցկացվեն Կարս քաղաքում՝ Ադրբեջանի և Թուրքիայի միջև ստորագրված ռազմական համագործակցության համաձայնագրի համաձայն, տեղի է ունեցել երկու երկրների ազգային դրոշների փոխանակման արարողություն։
Ադրբեջանի ՊՆ-ի հաղորդմամբ՝ Նախիջևանի առանձին համազորային բանակի դրոշակային վաշտը երթ-արշավ է անցկացրել Նախիջևան քաղաքից Սադարակ սահմանային անցակետով մինչև Արաքս գետի Ումիդ կամուրջ։ Թուրքական կողմը նույնպես երթ է անցկացրել դեպի արարողության վայր։
Միջոցառման ավարտից հետո Նախիջևանից զորավարժություններին ներգրավված ստորաբաժանումները մեկնել են։
Զորավարժությունների պլանի համաձայն՝ զինծառայողները կկատարեն տարբեր մարտական պատրաստության առաջադրանքներ բնակեցված վայրերում, ձնառատ և ցրտաշունչ եղանակային պայմաններում դժվարանցանելի տեղանքում։
Թարգմանությունը՝ Էմմա Չոբանյանի
