10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
ՀԱՄԱՍ-ը Իսրայելի կողմից ոչնչացված բոլոր զինյալներին փոխարինող է գտել․ Բլինքեն
Քաղաքականություն
15.01.2025 | 22:57
Պաղեստինյան ՀԱՄԱՍ շարժումն արդեն հավաքագրել է նույնքան նոր անդամներ, որքան կորցրել է Իսրայելի դեմ պատերազմի ժամանակ։ Այս մասին հայտարարել է ԱՄՆ պետքարտուղար Էնթոնի Բլինքենը, փոխանցում է Telegraph-ը։
«Ամեն անգամ, երբ Իսրայելն ավարտում է իր ռազմական օպերացիան և հետ է մղում ՀԱՄԱՍ-ին, գրոհայինները վերախմբավորվում են և նորից ի հայտ գալիս: Մեր գնահատականների համաձայն՝ ՀԱՄԱՍ-ը հավաքագրել է գրեթե նույնքան նոր զինյալ, որքան կորցրել է»,- ասել է Բլինքենը՝ ելույթ ունենալով Ատլանտյան խորհրդում։
Բլինքենի հայտարարությունը հնչել է այն բանից հետո, երբ նա բացահայտել է Գազայում պատերազմի ավարտից հետո իր ծրագիրը: Խոսքը վերաբերում է օտարերկրյա զորքերի տեղակայմանը, որոնք պետք է ապահովեն խաղաղությունը, քանի դեռ չի ձևավորվել և վերապատրաստվել Պաղեստինի նոր իշխանությունը:
Հիշեցնենք, որ ԱՄՆ ներկայիս նախագահ Ջո Բայդենը զրուցել է Իսրայելի վարչապետ Բենիամին Նեթանյահուի հետ։ Նրանք քննարկել են ՀԱՄԱՍ-ի և Իսրայելի միջև պատանդների փոխանակման պայմանագիրը։
Թարգմանությունը՝ Տաթև Ֆռանգյանի
