08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Թրամփն այլևս չի խոստանում 24 ժամում վերջ տալ Ուկրաինայի հակամարտությանը. FT
Քաղաքականություն
15.01.2025 | 22:42
ԱՄՆ նորընտիր նախագահ Դոնալդ Թրամփն այլևս չի նշում Ուկրաինայում հակամարտությունը 24 ժամվա ընթացքում դադարեցնելու պլանների մասին։ Այս հանգամանքին ուշադրություն է հրավիրել բրիտանական Financial Times պարբերականը։
Աղբյուրներից մեկը սա կապել է այն փաստի հետ, որ հանրապետական գործչի անցումային թիմը «բառացիորեն տարված է ուժի գաղափարով և ցանկանում է ուժեղ երևալ», այդ պատճառով ստիպված է վերանայել իր մոտեցումը ուկրաինական հակամարտության նկատմամբ։
Հոդվածում ասվում է, որ այժմ, մասնավորապես, Թրամփը քննարկում է Կիևին շարունակելու աջակցությունը հիմնականում եվրոպական դաշնակիցների միջոցով։
Ավելի վաղ Ուկրաինայի հարցով ԱՄՆ հատուկ ներկայացուցիչ Քիթ Քելլոգը հայտարարել էր, որ թեև ԱՄՆ ընտրված նախագահը ձգտում է հնարավորինս շուտ խաղաղություն հաստատել, սակայն մտադիր չէ զիջումների գնալ Մոսկվային կարգավորման հարցում, քանի որ «ցանկանում է փրկել Ուկրաինան և նրա ինքնիշխանությունը»։
Թարգմանությունը՝ Տաթև Ֆռանգյանի
