16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՖԱՕ-ի ինդեքսը տարվա ընթացքում 50 տոկոսով աճել է. Մարտին Գալստյան․ ՏԵՍԱՆՅՈՒԹ
Տնտեսություն
14.07.2022 | 14:37
ԱԺ ֆինանսավարկային և բյուջետային հարցերի մշտական հանձնաժողովը կազմակերպել է աշխատանքային քննարկում՝ «Գնաճը, արդի խնդիրները և լուծման ուղիները» թեմայով:
«Երկար ժամանակահատված իրականացրել ենք ցածր գնաճային քաղաքականություն, որի հիմնական նպատակը եղել է ցածր գնաճային սպասումների զարգացումը»,- քննարկման ժամանակ այս մասին նշեց ԿԲ նախագահ Մարտին Գալստյանը:
ԿԲ նախագահի դիտարկմամբ՝ համավարակով պայմանավորված՝ 2020թ. վերջից տեղի է ունենում համաշխարհային գների բարձրացում, բացի դրանից՝ գները կտրուկ բարձրանում են նաև ռուս-ուկրաինական հակամարտությամբ պայմանավորված:
Գալստյանի խոսքով՝ 2021-ին գրեթե բոլոր երկրներում տեղի է ունեցել բարձր թվերով տնտեսական աճ, որի պատճառով ապրանքների ու ծառայությունների նկատմամբ պահանջարկի աճ է գրանցվել:
Գնաճը մարդկանց մոտ փոխում է վարքագիծ, ու եթե դու ապրում ես բարձր գնաճային միջավայր ունեցող երկրում, քո սպառման հակվածությունն է մեծանում, որը նպաստում է հավելյալ գնաճի առաջացմանը: Այսինքն՝ եթե ես գիտեմ, որ այս ապրանքը վաղը արժենալու է 10 դրամ ավել, ապա ես այսօր դրանից երկու հատ եմ գնում, որպեսզի ինձ պշտպանեմ ապագա գնաճից: Սա ստեղծում է հավելյալ աժիոտաժ, որն էլ հանգեցնում է հավելյալ գնաճի»,- նշեց Գալստյանը՝ ևս մեկ անգամ ընդգծելով, որ ԿԲ անկյունաքարային նպատակներից մեկը ցածր գնաճ ապահովելով՝ մարդկանց մոտ ցածր գնաճային սպասումներ զարգացնելն է:
ԿԲ նախագահը նկատեց, որ Հայաստանում հիմա աճում են ոչ միայն սեզոնային պարենային ապրանքները, այլ նաև ոչ սեզոնային պարենային ապրանքները, որոնց հիմնական մասը ներմուծվող են՝ ցորեն, շաքարավազ, ձեթ և այլն: Աճում են նաև ծառայությունների գները:
Նրա խոսքով, մեզ մոտ կա ոչ միայն դրսից ներմուծված գնաճ, այլ նաև արհեստական պահանջարկ ձևավորելու արդյունքում առաջացած գնաճ և հենց դա է ԿԲ-ին մտահոգում. «Դրա հիմնական աղբյուրներից մեկը ՌԴ-ից և այլ երկրներից Հայաստան ժամանած մարդիկ են, որոնք իրենց գալով ստեղծել են հավելյալ պահանջարկ»:
«Համաշխարհային հացահատիկի մոտ 30 տոկոսը մատակարարում են Ուկրաինան ու Ռուսաստանը: Համաշխարհային ձեթի 65 տոկոսը մատակարարում են այդ երկու երկրները: Այս ապրանքները ունեն մեծ կշիռ մեր տնտեսության մեջ, դրա համար դա բերում է ավելի բարձր գնաճի:
Հակամարտությունից հետո պարենի գները կտրուկ բարձրանում են, բոլոր ապրանքատեսակների գծով գների աճ կա, FAO-ի ինդեքս, որը համապարփակ ինդեքսն է այդ բոլոր ապրանքների, տարվա ընթացքում մոտ 50 տոկոսով աճել է»,- ընդգծեց ԿԲ նախագահը:
Մանրամասները՝ տեսանյութում:
