15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Մեր երկրի արտադրության ԱԹՍ-ների փորձարկում է սկսվել. Վահագն Խաչատրյան. ՏԵՍԱՆՅՈՒԹ
Տնտեսություն
19.01.2022 | 16:55
«Այդ աշխատանքները վաղուց են գնում, իմ աշխատած ժամանակաշրջանում վերջնական փուլին են մոտենում»,- այսօր ԱԺ-ում լրագրողների հետ զրույցում այս մասին նշեց ԲՏԱ նախարար Վահագն Խաչատրյանը անդրադառնալով հարցին՝ Հայաստանը որևէ քայլ անո՞ւմ է մարտական ԱԹՍ ունենալու ուղղությամբ:
«Տարբեր ընկերություններ կան, որոնք հաջողություններ ունեն, արդեն պատրաստի էլ ունեն, փորձարկումների ընթացքում են: Արդեն պետական փորձարկումների են անցել: Հակված ենք ունենալ այսօրվա ռազմական իրավիճակներում կիրառվող բոլոր տեսակի ԱԹՍ-ներ, այդ թվում կան կամիկաձեներ: Լուծումներ առաջարկողները ամեն անգամ մի հատ նոր բան են մտցնում: Մենք խնդիրը շատ հստակ ենք դրել՝ պատրաստ ենք իրենց արտադրանքը ՊՆ կարիքների համար գնել»:
Նախարարը պարզաբանեց, որ նախ փորձարկումների են անցնում, հետո՝ պետական փորձարկման, որից հետո կնքվում է պայմանագիր. «Վերջնական պայմանագիր դեռևս կնքված չի, որովհետև պետական փորձարկման ժամանակ չնախատեսված խնդիրներ են եղել, որոնք իրենք վերացնում են»:
Վահագն Խաչատրյանը նաև նշեց, որ շատ կարևոր են հակադրոնային համակարգերը, որոնք կապի դեմ են աշխատում ու թույլ չեն տալիս, որ ԱԹՍ-ները տվյալ օդային տարածքով ազատ թռչեն:
Մանրամասները՝ տեսանյութում:
