09.08.2026 | 16:37
Վթարային ջրանջատում Կտայքում և Երևանում
Սիրիայի նախագահը հաջորդ շաբաթ դարձյալ Թուրքիա կայցելի
Քաղաքականություն
07.04.2025 | 19:47
Սիրիայի նախագահ Ահմեդ ալ-Շարաան հաջորդ շաբաթ կայցելի Թուրքիա։ Սա կլինի նրա երկրորդ այցը երկիր այս տարվա ընթացքում, ասվում է Սիրիայի ԱԳՆ-ի հայտարարության մեջ, գրում է Turkiye today-ը։
Սպասվում է, որ Ալ-Շարաան, որն առաջին անգամ Թուրքիա էր այցելել փետրվարին, այցի ընթացքում հանդիպելու է նախագահ Ռեջեփ Թայիփ Էրդողանի հետ։ Առաջիկա այցը դիվանագիտական շրջագայության մի մասն է, որը կներառի նաև Արաբական Միացյալ Էմիրություններ (ԱՄԷ), որը կնշանակի Ալ-Շարաայի երկրորդ այցը Պարսից ծոցի երկիր՝ պաշտոնը ստանձնելուց հետո:
Սիրիայի ղեկավարն ավելի վաղ Սաուդյան Արաբիա էր այցելել փետրվարին՝ իր շարունակական տարածաշրջանային դիվանագիտական ջանքերի շրջանակում: Ակնկալվում է, որ առաջիկա այցերի մանրամասներն ու օրակարգը կհայտարարվեն առաջիկա օրերին։
Ալ-Շարաան և Էրդողանն առաջին անգամ հանդիպել էին փետրվարի 4-ին։ Հանդիպմանը մասնակցել էին նաև Թուրքիայի արտգործնախարար Հաքան Ֆիդանը և Ազգային հետախուզական կազմակերպության (MIT) տնօրեն Իբրահիմ Քալընը։
Սիրիայի նախագահի այցը տեղի է ունենում տարածաշրջանում դիվանագիտական հարաբերությունների ամրապնդմանն ուղղված ջանքերի ֆոնին:
Հավելենք նաև, որ ավելի վաղ լուրեր էին տարածվել, որ Թուրքիան քայլեր է ձեռնարկում՝ իր վերահսկողության տակ առնելու Սիրիայի T4 ռազմավարական ավիաբազան և պատրաստվում է այնտեղ ՀՕՊ համակարգեր տեղակայել։
Թարգմանությունը՝ Էմմա Չոբանյանի
