09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
Հավատում ենք բանակցություններին, բայց ցանկացած գնով չենք բանակցելու․ Իրանի նախագահ
Քաղաքականություն
07.04.2025 | 20:44
Իրանի նախագահ Մասուդ Փեզեշքիանը հայտարարել է, որ Թեհրանը «ցանկացած գնով» չի բանակցի՝ ընդգծելով, որ իր վարչակազմը հավատարիմ է ներգրավվածությանը և բանակցություններին, գրում է Mehr գործակալությունը:
«Մենք հավատում ենք բանակցություններին, բայց ցանկացած գնով չենք բանակցելու։ Մենք պատերազմ, լարվածություն կամ միջուկային ռումբեր չենք փնտրում, մենք բանակցություններ ենք փնտրում»,- ասել է Փեզեշքիանը քաղաքական կուսակցությունների և միավորումների ներկայացուցիչների հետ հանդիպմանն ունեցած ելույթում։
Միաժամանակ, Իրանի նախագահն ընդգծել է, որ «ամերիկացիներն էլ պետք է ապացուցեն, որ բանակցություններ են փնտրում»։
«Այն փաստը, որ Իրանը մտադիր չէ օգտագործել իր միջուկային հնարավորությունները ոչ խաղաղ նպատակներով, դա ոչ միայն այն է, ինչ մենք ասում ենք, այլ դա կրոնական ֆեթվա է Իսլամական հեղափոխության առաջնորդի կողմից։ Մենք հավատում ենք բանակցություններին, բայց ոչ նվաստացմանը»,- հայտարարել է Իրանի նախագահը։
Թարգմանությունը՝ Էմմա Չոբանյանի
