21.12.2025 | 17:38
Կենդանասերներն ահազանգում են․ շանը փակ բեռնախցիկում են պահել, գլխով լուսարձակը կոտրել է, որ կարողանա շնչել
ՀՀ-ի կողմից հետախուզվող ադրբեջանցի բլոգերը հայտարարել է, թե հետախուզումը չեղարկվել է
Քաղաքականություն
07.04.2025 | 21:11
Հայաստանի կողմից հետախուզման մեջ գտնվող ադրբեջանցի ֆիթնես մարզիչ, բլոգեր Քամիլ Զեյնալին հայտարարել է, թե իր նկատմամբ հետախուզումումը չեղարկվել է։ Այս մասին նա հայտարարել է ադրբեջանական հաղորդումներից մեկի եթերում։
«Վերջերս ինձ զանգահարեցին դեսպանատնից և ասացին՝ «Շնորհավորում ենք, թշնամու կողմից հետախուզման աշխատանքները դադարեցվել են։ Սա արեց մեր պետությունը, ոչ միայն իմ, այլև մի քանի այլ անձանց հետախուզումները նույնպես դադարեցվել են»,- ասել է նա։
Հիշեցնենք, որ անցյալ տարի փետրվարին Մոսկվայի օդանավակայանում ձերբակալված Զեյնալին 7-8 ժամ հետո ազատ էր արձակվել և վերադարձել Բաքու։
Նրան մեղադրանք է առաջադրվել ՀՀ Քրեական օրենսգրքի 4 հոդվածով՝ 135 (Մարդկության դեմ հանցագործություն), 137 (Պատերազմական հանցագործություններ), 140 (Պատերազմական հանցագործություններ՝ պատերազմի արգելված մեթոդներով), 147 (Վարձկանների հավաքագրում) և 149 (Ագրեսիա) հոդվածներով։
Նշենք, որ Զեյնալին հանդես է գալիս հակահայկական հայտարարություններով և գործողություններով։ Մասնավորապես, դեռևս 2020 թվականին Տավուշյան մարտերի ժամանակ նա ՌԴ-ում հայերի դեմ իրականացված հարձակումների հիմնական կազմակերպիչներից էր։ 44-օրյա պատերազմի ժամանակ նա ակտիվորեն աջակցել է Արցախի դեմ ագրեսիային, նաև տեղեկություններ կան, որ ռազմական հանցագործություններ է իրականացրել։
2020 թվականին 44-օրյա պատերազմի ժամանակ Արցախում նա հայի էր գլխատել, լուսանկարել և տարածել իր սոցցանցերում։ Բլոգերը նաև պնդել էր, թե հայերի դեմ իրականացրած հանցագործությունների համար նույնիսկ պարգևատրվել է պաշտոնական Բաքվի կողմից, սակայն հետո հայտարարել, թե դա, իբր, «կատակ է եղել»։
Էմմա Չոբանյան
