15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
3-ամյա երեխային կոնֆետի տեսքով քիմիական բաղադրությամբ հաբ են տվել․ ՔԿ-ում նախաձեռնվել է քրեական վարույթ
Հասարակություն
07.04.2025 | 18:16
3-ամյա երեխային անհայտ ծագմամբ, քիմիական բաղադրությամբ հաբ՝ որպես կոնֆետ տալու դեպքով, որի հետևանքով երեխան թունավորվել է և տեղափոխվել հիվանդանոց՝ նախաձեռնվել է քրեական վարույթ 173-րդ հոդվածի 1-ին մասի հատկանիշներով, այն է՝ անզգուշությամբ առողջությանը միջին ծանրության վնաս պատճառելը։ Այս մասին Factor.am-ին տեղեկացրեց ՔԿ մամուլի խոսնակ Կիմա Ավդալյանը։
Հիշեցնենք՝ երեկ ոստիկանություն ահազանգ է ստացվել, ըստ որի՝ 3-ամյա երեխա է տեղափոխվել հիվանդանոց՝ մաքրող միջոցի համար նախատեսված հաբեր ուտելու հետևանքով, հայտնում է Shamshyan.com-ը
Պարզվել է, որ երեխայի 30-ամյա մայրը կեսգիշերին մոտ տաքսիով իր աղջկա հետ Գարեգին Հովսեփյան փողոցից ուղևորվել է դեպի Լազոյի փողոց, ճանապարհին տաքսու վարորդը երեխային հյուրասիրել է անհայտ ծագմամբ, քիմիական բաղադրությամբ հաբ՝ որպես կոնֆետ, և այն ուտելուց հետո երեխան սկսել է թուլանալ, առաջացել է սրտխառնոց: Ոստիկանները հայտնաբերել են տաքսու վարորդին, որը նշել է՝ կոնֆետներն իրեն հյուրասիրել էին 2 օտարերկրացիներ, որոնց որպես ուղևոր ինքը տեղափոխել է։
Մանյա Պողոսյան
