ՀՅԴ-ն կոալիցիա կազմեց Սերժ Սարգսյանի հետ, որը ՀՖՖ գերբից հանեց Արարատը․ էն ժամանակ թուրքերը մեզ սպանել չէի՞ն ուզում․ Հրաչյա Հակոբյան․ ՏԵՍԱՆՅՈՒԹ

Factor TV-ի հարցազրույցը ԱԺ «Քաղաքացիական պայմանագիր» խմբակցության պատգամավոր Հրաչյա Հակոբյանի հետ

-Կառավորող ուժին քննադատում են, որ, այսպես ասած, վաճառքի դրվեց գերիների հարցը՝ քարտեզների և տարածքների դիմաց: Դուք ընդունո՞ւմ եք, որ այս ծայրահեղ մոտեցումն ավելի է սրում թեման:

-Ես խնդրեցի գերիների հետ կապված հարց չքննակենք, կարող եմ միայն ասել, որ հայկական կողմը, մեր կառավարությունն ամեն ինչ անում է, որպեսզի ամենավերջին մեր քաղաքացին, որը գտնվում է Ադրբեջանում, վերադառնա Հայաստան՝ անկախ ամեն ինչից: Մեր կառավարությունը բոլոր հնարավոր խողովակներով աշխատում է այդ ուղղութամբ, որպեսզի Ադրբեջանում պահվող բոլոր ՀՀ քաղաքացիները վերադառնան հայրենիք:

-Անդրադառնանք խորհրդարանական օրակարգին: Ընդդիմադիր «Հայաստան» խմբակցությունն Ալեն Սիմոնյանին ԱԺ նախագահի պաշտոնից հետ կանչելու վերաբերյալ նախագիծ է շրջանառում: Նշում են, որ Ալեն Սիմոնյանի վարքագիծը և հայտարարությունները վնասում են Հայաստանի միջազգային հեղինակությունը՝ նկատի ունենալով թե՛ գերիների վերաբերյալ հայտարարությունը, թե՛ այն մեջբերումը, որ Հայաստանում առկա են այն տեսակետները, որ Ռուսաստանն է հանձնել Ղարաբաղը, և որ «Լավրովի պլանն» այդ տարբերակներից էր:

-Ինչի մասին նշեցիք՝ երկուսն էլ համատեքստից կտրված հատվածներ են, երկուսն էլ մոնտաժված նկարահանումների արդյունք են՝ թե՛ ռուսաստանցի լրագրողի ներկայությամբ Ալեն Սիմոնյանի խոսքը, և թե՛ գերիների թեմայով հայտարարությունը, այսինքն՝ եթե տեսանյութերն ամբողջությամբ բացում ենք, պարզ է դառնում, որ երկուսում էլ Ալեն Սիմոնյանը, մեծ հաշվով, սխալ բան չի ասել: Ալեն Սիմոնյանը գործել է իր լիազորությունների շրջանակում, և նրանից հրաժարական պահանջելը պարզապես անհեթեթություն է:

-Քննադատում են Ալեն Սիմոնյանին, որ նրա հայտարարություններով վնաս է հասցվում Հայաստանի հեղինակությունը, և համարում են, որ ԱԺ նախագահի պաշտոնը պարոն Սիմոնյանի համար չէ, ձեր խմբակցությունում քննարկվե՞լ է այդ հարցը:

-Ի դեպ՝ այդ հարցի վերաբերյալ «Պատիվ ունեմ» խմբակցության պատգամավոր Հայկ Մամիջանյանը նույնպես նշել է, որ գերիների վերաբերյալ հայտարարության բովանդակության հետ համաձայն է, բայց ձևակերպման հետ համաձայն չէ: Մեր խմբակցությունը չի քննարկել այդ հարցը, չի կարող լինել նման հարց, և ոչ էլ քննարկելու ենք:

Հարցազրույցն ամբողջությամբ՝ տեսանյութում:

Ռոբերտ Անանյան