02.11.2024 | 15:55
Չինաստանում մեկնարկել է Խաչատրյանի անվան պատանեկան միջազգային մրցույթի եզրափակիչ փուլը
ՏԱՐԱԿԱՐԾԻՔ. Ռազմահայրենասիրական դաստիարակության ռազմավարությունը՝ ստալինյան ժամանակների փաստաթո՞ւղթ, թե՞ անհրաժեշտություն. ՏԵՍԱՆՅՈՒԹ
Հասարակություն
05.04.2018 | 19:30
Կրթության և գիտության նախարարության ներկայացրած «Սովորողների ռազմահայրենասիրական դաստիարակության ռազմավարության» նախագիծը մեծ աղմուկ բարձրացրեց հանրության շրջանում: Ռազմավարությամբ փորձ է արվելու աջակցել դպրոցականների անձի ձևավորման գործընթացին։ Փաստաթղթում նշված են մի շարք մարտահրավերներ, որոնք այս ռազմավարության կիրառման արդյունքում պետք է լուծվեն: Դրանց թվում են՝ հայրենիքի պաշտպանությանը ոչ պատրաստակամ քաղաքացիների առկայությունը, զինվորական ծառայության և զինվորականի մասնագիտության հանդեպ գոյություն ունեցող անտարբերությունը, արտագաղթը, դպրոցահասակ երեխաների մոտ փողոցային արատավոր վարքագծի դրսևորումների աճը և այլն:
Կրթության փորձագետները, սակայն, նկատում են, որ բավարար է միայն հանրակրթական հաստատություններում բարելավել ռազմական կրթության դասավանդումը, իսկ հայրենասիրությունն էլ միայն սահմանների պաշտպանությունը չէ, այլ օրինապաշտ քաղաքացի ձևավորելը: Մարտահրավերների թվում նշվում էր նաև օտար մշակութային արժեքներին հաղորդակից լինելու տենդենցը և տնտեսության դանդաղ զարգացումը:
Հանրության շրջանում ծավալված բուռն քննադատությունների արդյունքում, սակայն, այդ կետերը խմբագրվեցին։ Չնայած դրան՝ փորձագետները շարունակում են պնդել, որ տվյալ ռազմավարության կարիքն ընդհանրապես չկա, որ նախագծում տոտալիտարիզմի տարրեր կան, և այն տանում է ռազմականացման: Ի վերջո, մենք ունե՞նք նման ռազմավարության կարիք, ո՞րն է դրա մշակման շարժառիթը և ի՞նչ կտա այն մեզ:
Factor.am-ը թեմայի շուրջ զրուցել է ԱԺ ՀՀԿ խմբակցության պատգամավոր Ռուզաննա Մուրադյանի և Կրթական-քաղաքացիական նախաձեռնության անդամ Վահրամ Սողոմոնյանի հետ։
Աննա Բաբաջանյան
