08.06.2026 | 12:10
ԱԺ կանցնի 4 ուժ՝ ըստ նախնական արդյունքների // Ձերբակալվածներ տեղամասի մոտ դանակահարության գործով․ ԼՈՒՐԵՐ
Չծախվողներին խստագույնս պատժում են, որ մնացածի աչքը վախեցնեն․ Վոլոդյա Ավետիսյանը նստացույց է սկսել. ՏԵՍԱՆՅՈՒԹ
Քաղաքականություն
21.03.2018 | 13:36
Ազատամարտիկ Վոլոդյա Ավետիսյանն Ազատության հրապարակում նստացույց է հայտարարել։ Նրան են միացել նաև իր գաղափարակիցներից ոմանք․ «Հանցագործ իշխանություն է, որը կեղեքում է մեր երկիրը։ Ամբողջ ընտանիքներին քարուքանդ են արել, հայր-մայրն այստեղ են, մնացածը դրսում թափառում են»,- ասաց ազատամարտիկը։
Նստացույցի պատճառներից մեկն էլ «Ժիրայր Սեֆիլյանի և մյուսների» գործով երեկ հրապարակված դատավճիռներն են:
«Չծախվողներին խստագույնս պատժում են, որ մնացածի աչքը վախեցնեն։ Այսօր հայրենիքը կորցնելու վտանգի առաջ ենք կանգնած»,- ասաց Ավետիսյանը։
Ազատամարտիկը խոստացավ նստացույցի հետ կապված հետագա քայլերի մասին տեղեկացնել ավելի ուշ։
Հիշեցնենք, որ Վոլոդյա Ավետիսյանը 2014 թվականին դատապարտվել էր 6 տարվա ազատազրկման, այն բանից հետո, երբ նա նախաձեռնել էր ազատամարտիկների բողոքի ակցիաներ, նրան առաջադրվել էր խարդախության մեղադրանք։
Լիլիթ Շաբոյան
