10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Դուք վստահո՞ւմ եք ԿԸՀ-ին, Մուկուչյանը 2011-ից աշխատում է այնտեղ. Զոհրաբյանը՝ Բադասյանին. ՏԵՍԱՆՅՈՒԹ
Հասարակություն
13.07.2021 | 10:47
Մենք մտել ենք մի համակարգի մեջ, որը չի բարեփոխվել, ձեր նախանշած խնդիրները չեն լուծվել»,- Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննության ժամանակ, դիմելով արդարադատության նախարարի պաշտոնակատար Ռուստամ Բադասյանին, նշեց «Զարթոնք» ազգային քրիստոնեական կուսակցության գործադիր մարմնի ղեկավար Արա Զոհրաբյանը:
«Ինձ հետաքրքրում է «Քաղաքացիական պայմանագիր» կուսակցության դիրքորոշումը ԿԸՀ վերաբերյալ: ԿԸՀ նախագահ Տիգրան Մուկուչյանը 1996-1998 թթ. եղել է հանձնաժողովի անդամ, 2011 թվականից առ այսօր հանձնաժողովի նախագահն է, Լաուրա Գալստյանը, Արմեն Սմբատյանը, Սիլվա Մարկոսյանը, Գեորգի Մարտիրոսյանը ԿԸՀ անդամ են 2011-ից, Նունե Հովհաննիսյանը՝ 2014-ից, Սեյրան Շահսուվարյանը՝ 2016-ից:
Ինձ հետաքրքրում է՝ ինչո՞վ է պայմանավորված ձեր ներկայիս վստահությունը ԿԸՀ նկատմամբ, երբ ձեր քաղաքական ուժը չի ընդունել նախորդ ընտրությունների արդյունքները, ավելին՝ դրանց վերաբերյալ շատ կոշտ վերաբերմունք է արտայատվել: Ի՞նչն է փոխվել»,- հարցադրումներ արեց Արա Զոհրաբյանը:
Ռ. Բասադյանն արձագանքեց. «Բարձր դատարան, կարծում եմ՝ մենք քաղաքական ելույթները, քաղաքական գնահատականները պետք է հստակ տարբերակենք իրավական գործընթացներից և իրավական գնահատականներից:
Նախ ընտրությունների կեղծման հետ կապված քաղաքական գնահատականը երբ տրվում է՝ հիմք ընդունելով որոշ հանգամանքներ, փաստեր, իրադարձություններ, պետք է նկատի ունենալ, թե ինչ ընտրական համակարգ է գործում Հայաստանում:
ՔՊ-ն, երբ նոր էր ձևավորվում որպես կուսակցություն, հստակ ամրագրել է, որ ընտրությունների կեղծման դեմ պայքարելու թիվ մեկ գործիքը տեղամասային հանձնաժողովներում վստահված անձինք, էլեկտրոնային համակարգ ունենալն է, պետք է տեղամասում արձանագրել բոլոր խախտումները, օգտագործել բոլոր իրավական գործիքները: Բնականաբար տեղամասից դուրս տեղի ունեցող ընտրախախտումներն ավելի բարդ հայտնաբերելի են, պետք է ունենալ ինստիտուցիոնալ քաղաքական կառուցվածք, որպեսզի հնարավոր լինի պայքարել ընտակեղծարարության մեխանիմզների դեմ: Հետևաբար քաղաքական գնահատականները, որոնք հիմնված են որոշակի փաստերի վրա, պետք չէ շփոթել իրավական պրոցեսների հետ:
Իսկ ԿԸՀ գործունեությանը գնահատական է տրվել ԵԱՀԿ/ԺՀՄԻԳ դիտորդական առաքելության կողմից՝ իր աշխատանքը կատարել է թափանցիկ, կոլեգիալ, մասնագիտորեն, վայելել է ընտրական շահառուների վստահությունը»:
«Ճիշտ հասկացա՞ Ձեզ, դուք վստահում եք ԿԸՀ-ին»,- հստակ հարցադրում արեց Զոհրաբյանը:
Արդարադատության նախարարի պաշտոնակատարը պատասպանեց. «Այս գնահատականից հետո ինչպե՞ս չվստահենք»:
«Իսկ վստահո՞ւմ եք սույն գործը քննող Սահմանադրական դատարանի՞ն, թե՞ ոչ»,- «Զարթոնք» կուսակցության ներկայացուցչի այս հարցին ի պատասխան՝ Բադասյանը պատասխանեց. «Այո»:
