21.02.2026 | 16:59
Պուտինը ստորագրել է ԱԴԾ-ի պահանջով կապի անջատման մասին օրենքը
Բանավեճ. Պատերազմի սպառնալիք, թե՞ խաղաղության իրական շանս. ՀՀ-Ադրբեջան գործընթացի ապագան
Քաղաքականություն
11.04.2025 | 21:00
Հայաստանն ու Իրանը երկօրյա զորավարժություն անցկացրին, որի նպատակը հայ-իրանական սահմանին գտնվող պայմանական ահաբեկչական խմբերի ոչնչացումն էր։ Ադրբեջանը ցանկանում է Հայաստանի հենց այս տարածքով ՀՀ իրավազորության ներքո չգտնվող միջանցք ստանալ դեպի Նախիջևան։ Ի դեպ, ՀՀ-ն այն պետությունն է, որ Իրանից բացի նաև ԱՄՆ-ի հետ է զորավարժություն անցկացնում։ Հայ-իրանական զորավարժությունը համընկավ Ադրբեջանի ագրեսիվացման, միջազգային դրության առավել քաոսային դառնալու հետ։ Անկանխատեսելի են զարգացումները ռուս-ուկրաինական ճակատում, Մերձավոր Արևելքում, Իրանի վրա էլ ԱՄՆ-ի կողմից գնալով մեծանում են միջուկային գործարք կնքելու ճնշումները։
Իսկ Ադրբեջանի նախագահը, որին միջազգային դերակատարները կոչ են անում ստորագրել Հայաստանի հետ համաձայնագիրը, հայտարարում է, թե գնդակը ՀՀ-ի դաշտում է։ Ալիևը վստահեցնում է՝ եթե ՀՀ-ն փոխի Սահմանադրությունը, մասնակցի Մինսկի խմբի լուծարմանը, կստորագրվի խաղաղության համաձայնագիրը։ Մինչդեռ, նույն Բաքուն վերջին շաբաթներին մի քանի տասնյակ անգամ հաղորդել է, թե, իբր, ՀՀ Զինված ուժերը կրակել են ադրբեջանական դիրքերի ուղղությամբ։ ՀՀ ՊՆ-ն հերքում է՝ պահանջելով ապացույցներ ներկայացնել։ Բաքուն դա չի անում։ Պրոցեսները պատերազմի՞ ուղղությամբ են գնում, թե՞ համաձայնագրի կնքման։
Factor TV-ում հրավիրել ենք քննարկում, որին մասնակցում են Միացյալ Հայաստան կուսակցության փոխնախագահ Վարդան Խաչատրյանը, Ողջ մնալու արվեստ կազմակերպության ղեկավար Վովա Վարդանովը, քաղաքական գործիչ Անի Սամսոնյանը, քաղաքագետ Հարություն Մկրտչյանը, Հանուն Հանրապետության կուսակցության անդամ Առնոլդ Բլեյանը։
Մանրամասները՝ տեսանյութում։
Ռոբերտ Անանյան
