12.05.2025 | 16:34
Բաքուն հայտնել է արտերկրում ահաբեկիչների ձերբակալելու և Ադրբեջան տեղափոխելու մասին
Մալխաս Ամոյանը և Կարեն Ասլանյանը եզրափակչում են․ ըմբշամարտի ԵԱ
11.04.2025 | 19:54
Կարեն Ասլանյանը և Մալխաս Ամոյանը դուրս են եկել Բրատիսլավայում ընթացող ըմբշամարտի Եվրոպայի առաջնության եզրափակիչ։
63 կգ քաշային Կարեն Ասլանյանը քառորդ եզրափակչում հաղթել էր լեհ Մաիրբեկ Սարիմովին և դուրս եկել կիսաեզրափակիչ, որտեղ հաղթել է Ուկրաինայի ներկայացուցիչ Անդրիյ Սեմենչուկին:
77 կգ քաշային Մալխաս Ամոյանը 1/8 եզրափակչում 9:0 հաշվով առավելության էր հասել Լեհաստանի ներկայացուցիչ Մատեուշ Բեռնատեկի նկատմամբ, իսկ քառորդ եզրափակչում 7-2 հաշվով հաղթել է Մոլդովայի ներկայացուցիչ Ալեքսանդր Սոլովեյին: Կիսաեզրափակչում Մալխաս Ամոյանն ուժերը չափել էր Բուլղարիան ներկայացնող հայ ըմբիշ Հայկ Մնացականյանի հետ և հաղթանակ տարել։
Հայաստանի մյուս ներկայացուցիչ, 87 կգ քաշային Կարեն Խաչատրյանը մեկնարկային գոտեմարտում 3:6 հաշվով պարտվել է բուլղարացի մրցակցին, իսկ 130 կգ քաշային Դավիթ Օվասապյանը 1:1 հաշվով զիջել է Թուրքիայի ներկայացուցչին:
Արմեն Բաբալարյանի գլխավորությամբ մրցավայր են մեկնել նաև Կարապետ Մանվելյանը (60 կգ), Սլավիկ Գալստյանը (67 կգ), Շանթ Խաչատրյանը (72 կգ), Սամվել Գրիգորյանը (82 կգ) և Արթուր Ալեքսանյանը (97 կգ):
