Ինչպե՞ս են Իրանը և Վրաստանը արձագանքում Հայաստանի սահմանային իրավիճակին. կարծիքներ․ ՏԵՍԱՆՅՈՒԹ

Ադրբեջանցիները արդեն 8-րդ օրն է, ինչ հատել են Հայաատանի սահմանը: Հատկապես Սյունիքում սահմանային փոփոխություններով անհանգստացած է Իրանը:

Օրեր առաջ Իրանի խորհրդարանի ազգային անվտանգության և արտաքին քաղաքականության հանձնաժողովի նախագահ Մոջթաբա Զոլնուրին հայտարարեց Իրանի հետ Հայաստանի սահմանը պետք է պահպանվի, Իրանի համար անընդունելի է սահմանների փոփոխությունը; 

ԻԻՀ ԱԺ ազգային անվտանգության և արտաքին քաղաքականության հանձնաժողովի նախագահ  Մոջթաբա Զոլնուրին ասել էր․

«Անցյալի սահմանները պետք է ամբողջությամբ լինեն պաշտպանված և պետք է պահպանվի Իրանի Իսլամական Հանրապետության ընդհանուր սահմանը Հայաստանի հետ»:

Սա առաջին անգամը չէ, որ Իրանը անդրադառնում է Հայաստանի տարածքային ամբողջականությանը՝ շեշտելով՝ չի հանդուրժի փոփոխություն: Իրանագետ Վարդան Ոսկանյանը նշում է՝ Ցանկացած փոփոխության դեպքում Թեհրանը գիտակցում է՝ իր դերը նվազելու է:

Շրջանառվող լուրերի հետ կապված, թե նախօրեին Իրանից գեներալներ են ժամանել Հայաստան, իրանագետը նշեց՝ իրանական մամուլում նման տեղեկություն չկա:

ՊՆ-ից մեր ճշտող հարցին, թե արդյոք Իրանից գեներալներ ժամանել են Հայաստան, դեռ պատասխան չենք ստացել։

Ստեղծված իրավիճակին ավելի չեզոք արձագանք է տալիս մեր մյուս հարևանը՝ Վրաստանը: Վրացագետ Ջոնի Մելիքյանը նշում է՝ ավելին սպասել այս ընթացքում պետք չէ.

Փորձագետը նշում է, պատերազմի օրերին կողմնակալությունը ավելի նկատելի էր, իսկ հիմա նույնիսկ հակաադրբեջանական տարրերի կարելի է հանդիպել: Հիշեցնենք Ադրբեջանի սադրիչ գործողությունները համընկան Վրաստանի վարչապետի՝ Հայաստան այցի հետ:

Ավելին, փորձագետի կարծիքով, Վրաստանը Հայսատնի հետ նոր համագործակցություններ է ուզում սկսել այդկերպ բալանսավորելով Ադրբեջանի ազդեցությունը երկրում

Ինչ վերաբերում է Ադրբեջանի շահարկած Զանգեզուրի միջանցքին, այն մեր 2 հարևանների համար էլ անցանկալի է։ Այդպես նշում են փորձագետները։

Այդ միջանցքով ու ընդհանրապես Սյունիքով ամենաշահագրգիռը Թուրքիան է, հենց նա էլ չնվազող լարվածության հեղինակն է՝ կարծում է Ռուբեն Սաֆրաստյանը

Ամեն դեպքում հարևաններից ամենակոշտ արձագանքը դեռևս Իրանինն է։  Դա Պայմանավորված նաև աշխարհագրական դիրքով՝ Հայաստանը Իրանի համար նաև ամենաշահավետ ուղին է դեպի Սև ծով և Եվրոպա: Ի դեպ Պարսից ծոց-Սև ծով միջազգային տրանսպորտային և տարանցիկ միջանցքի ծրագրի աշխատանքների քննարկման ժամանակ Իրանում Հայաստանի դեսպանը ճանապարհների և քաղաքաշինության նախարարին տեղեկացրել է ադրբեջանական զինուժի կողմից Հայաստանի տարածք ներխուժման հետևանքով ստեղծված վիճակի մասին, նշելով՝ Երևանը ակնկալում է բարեկամ Իրանի աջակցությունը։

Մանրամասները՝ տեսանյութում։

Իրինա Մկրտչյան