05.03.2026 | 23:35
Բահրեյնի իշխանությունները հաստատել են, որ իրանական հրթիռը հարվածել է նավթավերամշակման գործարանին
«ՀանրաԴիտակ». 5.2 մլն դոլար դպրոցների ինտերնետին. հասանելի կա՞պ, թե՞ մսխված գումարներ
Հասարակություն
02.02.2018 | 17:00
Պետական բյուջեից 2015 թվականից ի վեր ամեն տարի շուրջ 1.7 մլն դոլար է հատկացվել ԿԳՆ Կրթական տեխնոլոգիաների ազգային կենտրոնին հանրակրթական հաստատություններում համակարգչային և ինտերնետային կապի ծառայություններ ապահովելու համար:
Երեք տարվա ընթացքում տրված ավելի քան 5 մլն դոլարը պետք է, որ բավական լիներ այսօր բոլոր դպրոցներում ինտերնետի հասանելիությունը լիարժեք ապահովման համար, մինչդեռ, ինչպես պարզվում է այս միջոցներն իրենց նպատակին չեն ծառայել:
Դեռևս հուլիսին, Դիլիջանում կայացած մարզպետերի և համայնքապետերի հետ հանդիպմանը վարչապետ Կարեն Կարապետյանը հորդորում էր բոլորին ամեն ինչ անել, որ սահմանամերձ գյուղերում հնարավոր լինի հեռավար ուսուցում կազմակերպել:
«Ի՞նչ է պետք՝ կոմպյուտեր, ինտերնետ և այլն, ընտրում եք սահմանամերձ գյուղերը, Կապի նախարարին հարցնում եք, կարող է սենց ինտերնետ անցկացնել, ինձ ասում եք ինչ է պետք, որպեսզի էդ գյուղերում օրինակելի տեսադասեր կազմակերպենք»,- հանձնարարում է վարչապետը, թերևս չկասկածելով, որ մինչ այս հանձնարարականը արդեն իսկ բյուջեով մի քանի հարյուր միլիոն դրամ արդեն իսկ տրամադրվել է այդ աշխատանքներն իրականացնելու համար:
Պարզվում է նաև, որ պետությունը ամեն տարի շուրջ 850 մլն դրամի ծառայությունը վստահել է միայն մեկ օպերատորի՝ «Յուքոմ» ընկերությանը, չնայած, որ որոշ համայնքներում և դպրոցներում այդ օպերատորի կապն ուղղակի հասանելի չէ:
Համացանցային խճճված ծախսերի բոլոր մանրամասները դիտեք տեսանյութում:
Հակոբ Կարապետյան
Գայանե Աբրահամյան
