06.12.2025 | 21:05
Գնդակները, որ մաշում են, մի խնայե՛ք, առեք, եթե հնարավոր չի, ինձ ասեք, ես կառնեմ. Փաշինյան. ՏԵՍԱՆՅՈՒԹ
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի զարգացման ծրագիր՝ Կապան, Ջերմուկ, Բերդ և Ճամբարակ համայնքներում կառուցված նոր մարզահրապարակներում․ նախատեսվում են ցուցադրական ելույթներ և անվճար բացօթյա մարզումներ Հայաստանի առաջատար ատլետների մասնակցությամբ։ Այս մասին տեղեկացնում են ԿԳՄՍՆ-ից։
«ՀՀ կրթության, գիտության, մշակույթի և սպորտի նախարարությունն իրականացնում է վորկաութ մարզաձևի և առողջ ապրելակերպի զարգացման ծրագիր՝ Կապան, Ջերմուկ, Բերդ և Ճամբարակ համայնքներում արդեն կառուցված ժամանակակից 10 մարզահրապարակներում։
Միաժամանակ, Վորկաութ ֆեդերացիան կազմակերպում է ցուցադրական ելույթներ և բացօթյա անվճար մարզումներ՝ Հայաստանի ուժեղագույն ատլետների մասնակցությամբ։ Մասնակցել կարող են բոլոր ցանկացողները։
Միջոցառումներն արդեն կայացել են Ջերմուկում և Կապանում: Սպասվում են՝
• Դեկտեմբերի 12 — Ճամբարակ
• Դեկտեմբերի 13 — Բերդ
Միացի՛ր վորկաութի սպորտային տոնին հենց քո քաղաքում և սկսի՛ր մարզվել։
Մանրամասները՝ Workout.am կայքում»,- ասված է հաղորդագրությունում։
