07.03.2026 | 21:22
Վահե Գևորգյանը ստացել է Հայաստանի լավագույն մարզիչի մրցանակը․ «Ալաշկերտը» հաղթել է առաջատարին․ ՏԵՍԱՆՅՈՒԹ
«Նոան» պարտվեց Հայաստանի առաջնության տարեվերջյան խաղում. ՏԵՍԱՆՅՈՒԹ
06.12.2025 | 18:14
Ֆուտբոլի Հայաստանի Fastex Պրեմիեր լիգան մեկնեց ձմեռային դադարի։
Առաջնության տարեվերջյան խաղում գործող չեմպիոն «Նոան» Վազգեն Սարգսյանի անվան «Հանրապետական» ստադիոնում ընդունեց ԲԿՄԱ-ին ու պարտվեց 2:3 հաշվով։ Հյուրերի կազմում դուբլի հեղինակ դարձավ Գրենիկ Պետրոսյանը, մեկ անգամ էլ աչքի ընկավ Նարեկ Հովհաննիսյանը։ «Նոայի» 2 գոլերն էլ խփեց պորտուգալացի հարձակվող Հելդեր Ֆերեյրան։
Դաշտի տերերը 28-րդ րոպեից 10 ֆուտբոլիստով էին խաղում բոսնիացի հարձակվող Նարդին Մուլահուսեյնովիչի հեռացման պատճառով, իսկ 70-րդ րոպեին ստացել են նաև երկրորդ կարմիր քարտը։ Հեռացվել է ֆրանսիացի հարձակվող Ֆոֆանա Բիլալը։
Այս հանդիպումը հետաձգվել էր երկրորդ տուրից, քանի որ «Նոան» մասնակցում է եվրագավաթներին։
«Նոան» 14 խաղից հետո 23 միավորով 5-րդ տեղում է։ ԲԿՄԱ-ն 15 միավորով 7-րդն է։
Մրցաշարային աղյուսակը գլխավորում է 15 հանդիպում անցկացրած «Արարատ-Արմենիան», որն ունի 34 միավոր։ 2-4-րդ տեղերը բաժանող «Ուրարտուն» (15 խաղ), «Փյունիկը» (14 խաղ) և «Ալաշկերտը» (15 խաղ) վաստակել են 29-ական միավոր։
Հիշեցնենք, որ «Նոան» դեկտեմբերի 11-ին Կոնֆերենցիաների լիգայի 5-րդ տուրում ընդունելու է լեհական «Լեգիային», որի կազմում խաղում է Հայաստանի ազգային հավաքականի կիսապաշտպան Վահան Բիչախչյանը։
